Sunghno Nule An Sunlawi Khunnak Mifim Hna Bia Roling

Hringtu Ka Nu: Ni Doi

1. Ka leiba hi cham ding hei siseh law, ka nu sinah ka batmi leiba hi cham dingin ka ṭih bik a si. {Abraham Lincoln}

2. Innchungkhar khuasak tintuknak ah lunglawmhnak tawh tlaitu cu Sunghno Nu a si. {William Carey}

3. Innchungkhar lawmhnak le daihnak vialte hi Sunghno Nu ta a si. {General Auchinleck}

4. ‘Sunghno Nu’ timi biafang ahhin thinlung lawmhnak zeizat remruam ko khi dah a hei i phum hnga mu! – {Bishop Thomson}

5. Vawlei cungah hin Sunghno Nu dirhmun sinak taktak ngeih tluk in Nu caah upat hmaizah awktlak rian dang a um ti lo. {R.A. Torrey}

6. Hngakchia hmur ahcun Sunghno Nu hi Pathian min bantuk in a sunglawimi a si. {W.M. Thakeray}

7. Thleidannak ngei lo le dawtnak in mi a uk khotu umchun cu Sunghno nule hna hi an si. {M.A. Alreed}

8. Sunghno nule an thinlung hi sertu Pathian kutchuak a si. Pangpar dawh hna cu uai in van arfi hna nih ceunak chuah ti hna hlah hmanhseh vawleipi nih Sunghno nule thinlung a ngeih chung paoh ahcun kan cungah Pathian zeitluk in dah a ṭhat ti kha philh awk a si hngin lo. {E. Crippsa}

9. Nu ṭha pakhat hi cawnpiaktu saya 100 he an i tluk. {George Herbert}

10. Pathian thilsermi chungah hin khuaruahhar le roling bik cu Sunghno Nu hi a si. {Norman Van William}

11. Vawleicung nu vialte hna hi sunghno ka nu bantuk si dih hna seh law thonginn a um hnga lo. {D.L. Moody}

12. Sunghno Nu dawtnak a ṭhawnning le thil a ti khawhning hmual hi zeibantuk holh hmanh in hrilhfiah khawh va si hlah. {E.H. Chapin}

13. Mizei bantuk hmanh siseh, Pathian a ṭihzah upatmi Sunghno Nu a ngeih ah cun a chanchung a sifak bal lai lo. {Abraham Lincoln}

14. Sunghno Nule tel lo vawlei nun hman hi thetse ram rocar, ti um lonak hmun bantuk khi a si ko. {Nepoleon Bonapart}

15. Nule hung ka pe tuah u, anmah hmangin vawlei hi ka thlen dih hnik tuah lai. {St. Augustin}

16. A ka daw i, vel a ka ngeih zungzaltu Pathian a um ti ka zumhnak a ruang cu, ka nu dawtnak in aa ra thawkmi a si. A hram bik cu sunghno ka nu kha a si ko. {Arvella}

17. Nu ṭha hna hi ram caah ral a dotu nakin an lianngan i an sunglawi deuh. {H. Ben Johnson}

18. Atu ka ngeihcia le ka ngeihte lai ding vialte hna hi, vanmi thiang bantuk a simi ka nu bawmhchanhnak thawng lawngte in a si dih. –

19. Ka hlawhtlinnak biathli thup cu zeidang a si hrim lo, Sunghno Nuṭha ka ngeihmi hi a si ko. {D.L. Moody}

20. Vawlei hi nauawih a thiammi Sunghno nu hna i, an fale nih an uk. {English phungthluk}

21. India nule hna nih hin an rian ṭha tein i theihngal in ṭuan hna sehlaw cu, India ram nih harsatnak a ton ka zum lo. {M.K. Gandhi}

22. Vawleipi khek in a minthang le larmi vialte hna hi Nu ṭha pawl hna nih an tuhmi theitlai dah fawh an si dih. {Rev. Thansiama}

23. Nu ṭha pawl cawnpiaknak hi cu dongh ti a ngei lo i a nung camcin, zeimaw caan chungah lang kho loin va um ko hmanhseh, nikhatkhat caankhat ah a par caan cu a um ṭheo tawn. {Rev. Vanlalzuata}

24. Chungkhar pa bik le fale caah siizung (hospital) sunglawi bik le naih bik cu Nule an si. Kan zawn an kan ruah i, duhdim tein dinhhmun thladem an sinah um i, an kut in an kan tonghmi hi damnak tling cu a si hrim ko. {Author}

25. Nu teimami inn ah cun pasal zeisantlai lo ṭiaṭumlote zong um hmanhsehlaw, an fale cu fa sunglawi, fa cungcuang ah an i chuah kho. Nu sual le ṭiaṭumlo zohkhenhnak tang belte ahcun zeitikhmanh ah mi lianngan cungcuang ah a chuah kho fale an um bal lo. {Nepoleon Bonaparte}

26. Ka nu thlacamnak nih ka nunchung vialte a ka zulhkhalh zungzal. {Abram Lincoln}

27. French ram nih a herhbik mi cu Nu ṭha tampi ngeih kha a si. {Nepoleon Bonaparte}

28.  Ka nunnak i ṭhatnak ka hmuhmi vialte cu ka nu sinin a rami a si. {DL Moody} 

29. Nule hna hi nunnak a ngeimi vialte lakah a sunglawi bik an si. {Colary}

30. Tlang sangbik parpalek ah khin ka thlai hna sehlaw, a dawtnak he a ka zultu ding cu ka nu a si. {Rudyard Kipling}

Happy Mother's Day