Vawleicung Miroling Pawl Biachimmi Zeimaw Zat

- Tuchan ahcun Nu nih Pa an tluk hna maw tiah an i hal ti hna lo! {Julie Nixon Eisenhower}

- Caantawite chung tuar-in khawhnak le tumruhnak ngeih i hlawhtlin dingmi thil a si ko nain,  lungdong in a liamtakmi minung zeizat ko dah an va um hnga aw?  {Elbert Hubbard}

- Ka hlawhchamnak le thil tuahsual ka ngeihmi vialte hna hi; ruat hmasa loin ka tuah ruangah a si tawn. {Bernard M. Baruch}

- Kan hawi midang an i lawmh nakding kan tuahmi nihkhin kanmah hrimhrim zong lunglawmh thanuamhnak a kan pek ve tawn. {Lydia M. Child}

- Kan i tinhmi ram kan phanh khawh khi kan tuahsualmi thil a si lo i, duhthimnak lei thil tu khi a rak si deuh. Ngah thlorh si loin, hlawhtlinnak a si deuh. {William Jennings Bryan}

- Kum 20 mi maw, kum 80 mi maw zong va si ko seh law, cawnnak ka lim cang ai timi cu a upami an si, sihmanhsehlaw cawnmi a nei kho pengmi cu tleirawl mino zaangṭhawng an sinak kha a dih kho lo. Vawlei cungah thil biapi bik cu kan thinlung ruahnak ngakchiatter zungzal khawh kha a si. {Henry Ford}

- Lungdong lo tein ṭuan ziahmah hi hlawhtlinnak hriamnam ṭha bik a si. Kutka cu thangpi in caan saupi na kingh phot ahcun, mizei maw tal cu na ṭhangh ko hna lai. {Henry Wadwoth Longfellow}

- Hi vawlei kalning phung hi na duhning dan a si lo ahcun phungdang ah thleng/mer ko, cu ti phundang i danter cu na batmi leiba a si. Kar khat hnu karkhat tete hmaisuang bu tein rianṭuan belte nai zuam ve lai. {Marian Wright Edelman}

- Mirh law, nih bu tein cawn i zuam ko, thil tisual caan hi, aho paoh nih kan ngei dih ko. {Watson Dunlop}

- Sungh zatlaknak le vanchiatnak kan tonmi vialte hna hi thilṭha ah canter kaa tim tawn. {John D. Rockfeller}

- Kan damchung ahhin fahnak tuar loin um khawh a si lo, asinain cu fahnak cu zeiti’ndah ka hman thiam lai ti belte ah duhthimnak kan ngei ve. {Bernie S. Siegel}

- Zeiti’ndah ka thihte lai ti le a caan nai thim kho lo. Asinain zeiti’ndah caan na ngeihmi na hman lai ti belte cu atu ah i thim colh. {Joan Baez}

- Mizei maw he nan umṭi lio caan i, nihchuak tiah nan ruahmi ruangah nan nihṭi khawhmi kha thilṭha bik a si. {Gloria Vanderbilt}

- Minung tampi nih cun mawṭaw dawhte citpi dingin an in duh, asinain na herh deuhmi cu, mawṭaw dawhte a rawh hnu zongah bus in nangmah an ṭinpi huam ding kha a si. {Oprah Winfrey}

- Nunnak nih a ka pek khawhmi thil sunglawi bik cu teimak chuah tein ṭuantlak a simi rianṭuan hi a si. {Theodore Roosvelt}

- An sining lopi si i tim in, mah sinak a thup tawnmi pawl nihhin zeitik, zeimaw caan ahcun caan harsa taktak an tong ṭheo tawn. {Aesop Phungthlukbia}

- Harsatnak na ton lio caan ah an hrawmpi kho ve lomi hawi cu va zum hna hlah. {Aesop}

- Hawidawt, ram le miphun ka daw taktak na ti si ahcun, na tapchak in khan hun i thawk law rian cu hun ṭuan tuah hen. {Alber Berkley}

- Nun hi ni bangin a cer zungzal bal lo, cucaah cun thlichia a hran lio caan zongah luatnak le damchuah khawh nakding lam kha kan cawn a herh.  {Guy & Mildred Harris}