Johnny Depp Nih A Ngaihchiah Ka Cheubang Seh: Amber Heard

Thla 15 an i ṭhit-um hnuah Amber Heard le Johnny Depp te nuva cu an i ṭhen i, an i ṭhen taktak nakding cachoh cu Cawnnikhatni ahkhan Heard nih zung ah a ap i, hi a apmi cachoh ahhin Johnny Depp nih kaa zohkhenhnak dingah a ngeihchiah chawva ka cheubang seh tiah halnak a tuahtel chih.

Nikhatni ah Amber Heard nih cachoh a apmi ahhin Johnny Depp he an i ṭhennak hi phungning tein pompi ding nawlhalnak lengah, aa zohkhenhnak dingah Johnny Depp sinin phaisa zeimaw zat halnak zong a telh chih. 

Cawnnithumni ahkhan Johnny Depp nih legal document a cachoh a tuah ve tikah, judge sinah a nupi nih ngeihchiah cheuhbauh ding kong a halmi cu ka hnon tiah a tarlangh.

Johnny Depp hi atu ah USD million 400 hrawng a ngeih lai tiah zumh le tuakpiakmi a si i, Bahamas i tikulh dawh le nuam emem zong amah bingte in a ngeihmi a um rih. Nikum February thla ahkhan Bahamas ah ṭhit-umnak an rak tuah i, an i ṭhitumnak puai ahhin minung 24 bak lawng an rak sawm.#