Vuleicung Tlaihhrem Tambiknak Ram 10

10. Ethiopia – Ethiopia ahhin tlaihhremnak hi an harsatnak tonmi chungah a lianbik a tling ve. UN nih kum fatin 60% nu tlaihhremnak a um tawn tiah a chim. Hawikom phu i ser riangmang in nu kidnap i tlaihhrem a tambik. 

Nu kum tlinglo kum 11 tlaihhrem i, nupi ah ka ṭhit ko lai tiah i tiamkamnak tuah tehna, ralkap nih mi zapi cilvil minu tlaihhrem tehna hi a um lengmang.

9. Sri Lanka – UN Multi-country Study on Men and Violence nihcun gang rape an timi bantuk phun pawl hi 96.5% a phan tiah ripawt an tuah i, hi chung ahhin nu lawngte tlaihhrem a tongmi cu an si.

8. Canada – Canada ahcun nu 3 ah 1 tluk peng nih tlaihhrem an tong tawn tiah ruah a si i, Justice Institute of  British Columbia nihcun nu 17 ah 1 nih tlaihhrem an ton i, cu chungah 62% pawl hna hi cu hliam an tuar tiah a ti ve.

7. France – Kum 1980 tiang ahkhan cun tlaihhrem hi France ram ahcun sual crime a rak si bal lo i, 1992 hnu inkhan khapphihnak phunghram thar um hram an hun thawk i, 2002 ahkhan moral harassment ah tlaihhrem hi pom a si i, kum fatinte tlaihhrem 75,000 a um peng bantuk a si. Nu tlaihhrem case 3,771,850 a um cang.

6. Germany – Tlaihhrem ruangah hin Germany ahcun nu puitling le nu hngakchia an dihlakte ah 240,000 an thi cang i, tukum chungte lawngah hin 6,507,394 tlaihhrem case ripawt a lutmi a um cang.

5. United Kingdom – An Overview of Sexual Offending in England and Wales an timi ahcun kum fatinte tlaihhrem 85,000 a um zungzal bantuk a si tiah an ti. Nu 5 ah 1 (kum 16-59 karlak pawl) hna hi tlaihhrem an tong tiah an ti.

4. India – National Crime Records Bureau nihcun 2012 ahkhan tlaihhrem case 24,923 a um tiah ripawt a si i, atu ahcun minit 22 dan peng tluk ah tlaihhremnak a um bantuk a si cang an ti.

3. Sweden – Europe ramchung tlaihhrem a tambiknak hmun Sweden ahhin mi 100,000 ah 63 hi cu tlaihhrem an tong ti a si.

2. South Africa – Nu 4 chungah 3 paoh hi cu an nungak tleirawl nonal lioah tlaihhrem a tong tluk an si hna i, tlaihhrem ruangah thong tlak hi kum 2 chung lawngte hi a si deuh ngawt.

1. United States – U.S ahhin nu 6 chungah 1 nih tlaihhrem an ton ti tluk a si ve i, pa 33 ah 1 hi tlaihhrem tluk an si ve fawn tiah National Violence Against Women Survey nihcun an tarlangh i, tlaihhrem tong 91% hi nu an si i, 9% hi pa pawl an si ve an ti.

(Theihternak: Chanchinthar chungah Saihmingliana Sailo nih a hon tialmi kha aa tlakning in theihtlei caah tiah ka hun lehcopmi a si.)