Sibawi Nih Nausem An Hrawh Ningcang Phun (4)

Pathian cu dawtnak a si. Mi nunnak lak, lainawn a duh lo. Kan baibal cauk chung Ex: 20:13 zongah ‘Lai nan nawng lai lo’ tiah a ti. Cupinah 1Joh 3:15, “A unau a huami paoh cu lainawng a si i lainawngmi nihcun an chungah zungzal nunnak an ngei lo ti kha nan hngalh.” tiah a tichap rih. 

Mithah lainawn minunnak lakning hi a phun hin phun tampi a um. Meithal in kah tehna, namte in chunh tehna, thih hlanlo vuak tehna, sivai din hi thah tehna, le a dang zong tampi a um len rih. Cun, mi nunnak lak lawng siloin, mah le mah i thah zong lainawn ṭhiamṭhiam a si i, sual ngaihthiam an si lai ti hi zumh a um lo. 

Mah le mah meithal i kah tehna, nam in i chunh tehna, i awk tehna le sivai din i, i thah tehna zong hi lainawn viar an si.

Nu naupawi, a nun chanhhimnak caah a naupawimi hrawh le thlak a herh ruangah dah ti lo ahcun, a remtinak le sianhnak nawl tel loin hranhram i nau thlak/hrawh piak a si ahcun, section 313 IPC ningte in kum 10 tiang thong thlak khawh an si tiah India phunghrampi zongah fek ṭhup in an ṭial. 

Tlaihhrem ruang naupawimi le fa a pawimi a hrin i a thi dingmi nu lawnglawng kha hrawhnak nawl phunghram nih a onh hna. Hika zawn tlaihhrem i naupawimi hmanh ahhin tlaihhrem a tongmi nu hnatlaknak tel loin hranhram i hrawhpiak khawh asi lo.

Hi a tanglei bantuk hi siibawi nih nau an hrawhning hna cu an si:

1. Menstrual Extracton: Pawi liomi pawchung naute thlakhat maw, thlahnih maw lek i a no rihmi nau an hrawh ningcang cu, Canulla timi (thil dawpnak phunkhat) a sau ngaimi hmangin nauinn kua in, chul chung naute ai siammi cu an dawppiak tawn hna. Hiti tuahter hi thil awlzaang ngaimi a si kho ko hnga, natein hiti na pumchung na naute cu tuah dingah na siang hrimhrim lai lo dah?

Menstrual Extraction (Hriamhrei Pawl)

2. Dilation & Cutterage Method: Hihi cu tlawmpal tein a upa deuh cangmi pumchung naute thlathum upa maw hrawhnak ah an hman tawnmi kha a si. Zeitindah an tuah tiah cun nauinn kua in khan chul i naute dawhnak saumi, a par ah cehrep bantuk a har taktakmi kha an bunh i, an hrolh hnuah nausem a nungmite cu dip cikcek in a ciktan dih hnuah, nausem taksa ṭengnge an ciktanmi pawl cu forcep hmangin an chuahpiak tawn hna. Nausemkate na rak si lio caan ah khan na nu nih hiti hin in tuah ve seh law a fah lai ning khi tuak ve hmanh, asiah nangteh, na fa cungah hi bantuk thil ṭihnung lainawn hi cang ve seh ti teh na duh maw?

1. Dilation & Cutterage Method

2. Dilation & Cutterage Method

3. Suction Cutterage Method: Hi thil hi atu lio an hmanlar bikmi phun khat a si in a lang i, chul chung i naute semka taksa kha ciktan lo tein dip cikcek le man cikcek in tuahnak kha a si. An maan termi vialte kha a dawpchuahnak pep in an chuahpiak viar tawn hna. Hi bantuk thil tuah lengmang ruangah pasal neih tikah fa neih khawh ti lonak tiang a chuak tawnmi a si. Nan pawiciami fasemkate cu man cikcek in tuah dingah cun na duh awk a si hnga maw?

Suction Cutterage Method

4. Saline Method: Hihi nau thla upa cangmi thla 4-6 karlak pawl kha an hrawh ningcang asi i, chul chung i a nung lio komi nausemte cu, sivai (poison) phunkhat in an thahpiak phawt hna hnuah a thicia tein an hrinter ṭhan hna. Zeitindah tiah cun naupawimi nu a paw inkhan si-rin (syringe) in naute umnak tiang kha an chunh i, mah hnuah sivai kha an rawnh i, naute a thih dih hnuah khan a thattu a nu nih cun a thicia tein a hrin tawn. Na fasemka cu hiti tuah ding cun na siang hrimhrim awk a si hnga lo.

Saline Method

Nau a thla/hrawh a hmang lengmangmi hna nih hin a tlangpi buaktlak in thinlung buaibai zawtnak (psychiatric problem) an nei i, an damchung ah hi nih umnuam kho loin a tuaitam tawn hna ti a si. Cun nau ai hrawk lengmangmi hna hi hnuk cancer an ngei duh khun ti zong dothlattu pawl hna nih an hmuhchuah tharmi asi.

Ruah Awk!

Tlangval pakhatkhat letin kan sual ruangah fa kan pawi sualmi maw siseh, mi tlaihhremnak in kan pawi sualmi zong si hna seh, kan pawi cangmi fate kha Pathian nih hrawh/thlak maw asiloah nungdam tein hrin kha dah a kan duhpiak deuh hnga? 

(Theihternak: Hihi internet chung ta kha theihtlei caah tiah ka hun lehcop chin mi a si)