Lungtur Dinh I Thihlonak Ah Rak Rel Ve

Ranjan Das, kum 42 upa, CEO and Managing Director of SAP, Mumbai ummi cu ruahlo pi’n a lungtur aa din i, a nunnak a liam. Amah hi zaanglek (sports lei a huam ngaimi a si) a tuah lengmangmi, thlik/lamlen, le eksiksaih zong caanhmaan tein a tuah zungzal mi a si i, atu bantuk in lungtur aa dinh i, a fale pahnih le thaisung a kaltakmi hna cu sibawite khuaruah zong a harter ngaitu thil pakhat ah a cang.

Zeica'htiah Ranjan Das hi a ngandamnak zongah zeihmanh soisel awk um loin a ṭha tiah ruahmi a si caah khan sibawite zong an khuaruah a har khunnak cu a si.

Hiti ruahlopi a lungtur aa dinh thut i a thihnak kong an dothlat tikah an hmuhmi cu, Ranjan hi nikhat ah Sml. 4-5 karte lawng ai rak hngilh peng caah a si. Mitku vuaite aa it lomi asiloah nikhat chungah Sml. 5-6 a itmi nihcun thisen (BP) sang ngeihnak dingah chance 350% - 500% a ngei ti a si. Hi ruangah hin a tlawmbik ah Sml. 6 tel cu ihpiak hrimhrim kha a herhmi a si. 

Minung pakhat nikhat ah Sml. 5 naktlawm a itmi le ai hngilh theng tawn lomi hna nihhin ruahlopi lungtur dinh i, thihnak dingah a let 3 in chance an ngeihning a sang khun. Zankhatte kan i hngilh lo hmanh ahkhin taksa i, interleukin-6 (IL6) hi a sang thluahmah tawn. Cun TNF alpha le CRP zong cu thiam an si ve. Cu pawl hna nihcun zeidah an chuahter tiah cun  kenser (Cancers) tehna, ruhcangfah arthritis tehna, thinlung lei buaibai zawtnak hna hi a fawizaang tein an ngeihter khawh hna. 

Nikhat Sml. 6 naktlawm ih nihhin thinlung buaibai lei zawtnak ngeih khawhnak chance 8% in an ngeih pinah, thathawhlonak, ngeihchiat sivanghnak le thinchiatnak tehna zong a kan ngeihter tawn. 

(Theihternak: Hi a cunglei ngandamnak tawite kong hi Dr. N. Siva Senior (Cardiologist) nih a ṭialmi kha theihtlei/ṭha ngai a si ko tiah ka van char chinmi a si - John Zilpici Cinzahh)