Thlitu Thurhnawm Ruangah Thihlohnak A Karh Chin Lengmang

World Health Organization nih thanhnak ca an chuahmi ahcun kum 10 chungah thli a thurhnawm tuk ruangah thihlohnak a let li bak in a karh i, hmailei ah hi nakin hin a karh chin vima lai. Thli thurhnawm (Air Pollution) nih a buatthlak biknak ram cu India le China hna hi an si.

WHO secretariat nih, “Vawlei cungah hin thihlohnak a chuahtertu bik cu thli thurhnawm hi a si. Kum fatinte minung million 4.3 cu innchung thli a thurhnawm ruangah an thihnak a si i, hihi a ṭhangcho liomi ram ah a tam khun. Cun tualchung lenglei thli thurhnawm ruangah a thimi hi minung million 3.7 tiang an tling cang,” a ti.

Lenglei le innchung thli thurhnawm ruangah hin a thi dingah ruah bak lomi minung tampi an nunnak a liam cang. Hiti ruahlopi’n a thimi hna hi vawlei cungah million pahnih lengkai an um tiah WHO nih thli a thian/thianlo an kherhlaimi kong an chuahnak ah an thanh.

Thli Thurhnawmnak A Chuahtertu Hmanthlak Zeimawzat

Thli thurtertu thil sernak sehzung khuvai a zuangmi

Thinghnah a ro carmi hi khangh ding a si lo vawlei ah phum ding a si.

Thli thurtertu Mawtaw khuvai a zuangmi

Innchung ah siseh, fale le midang hmai ah kuakzuk hrial ding a si.

Lampiahtu Palik (trafic police)

Thli thurhnawmnak ram khualtlawngmi nih an hmur an i khuh i selfie lio...

Innchung tang thli thurhnawm (indoor air pollution) ruangah hin China ramchung lawng bakte ah million 1.5 an nunnak a liam i, India ram ah minung million 1.3 nunnak a liam ve. Innchung tang thli thurhnawmh tuk ruangah a thimi vialte cheu thum cheu hnih hi India le China rammi an si.

Thli a thurhnawmh ruangah cuap cancer zong a karh chin lengmang i, a thihpimi zong an karh chin thluahmah ve fawn rih tiah WHO nih a ti. Kum 2005 lio in khan kan hei tuak chun si ahcun chuap (lung) cancer ruangah a thimi vialte zatuak 30% cu thli thurhnawm nih a chuahpimi an si hna.

Innchung tang thli thianhlim hi biapi ah kan chiah a herhmi cu a si i, hi nih a chim duh bikmi cu innchung le a pawngkam thlitu thianter ding tinak kha a si. Innchung ah thli thurhnawm a chuahter biktu cu kuak khuvai, kuak a zumi pawl sin tehna in, inn sakning ruangah thli luh chuah harsat tehna, le thli chuahnak le tithletnak kua a thurhnawmmi khuvai a zuangmi hna hi an si. Cc. Vanglaini