 |
| Iraq Ram |
Babel Innsang: Pathian
duhlomi thil tuahnak Babel innsang an saknak hmun a si. Genesis 10:10; 11:1-4.
Abraham: Khrihfa, Islam
le Judah pawl nih zumhnak lei ah kan Pa kha Iraq ram a chuakmi le thanglianmi a
rak si; Pathian nih a fial bantukin Ur khua in Haran, Turkey thlanglei ah a rak
pem. Genesis 11:3, 12:1-5; Acts 7:2-4.
Rebekah: Isak nupi kha
Iraq rammi a si. Genesis 24:3-4, 10.
Jakob: Jakob (Israel)
kha Iraq ram ah kum 20 chung khua a sa. Genesis 27:42-45; 31:38.
Babilon: Babilon
khualipi kha Baghdad, Iraq khuapi bik hmun in meng 25 aa hlatnak ah a um i,
Nimrod nih khua a dirhmi a si i: Babilon empire nihkhan BC 612 in 539 tiang
vawleicung a rak pen hna. Daniel 1:1-2;
2:36-38.
Empire Hmasa Bik:
Akkadian empire kha Iraq ram in rak dirh a si i, (2334-2279 BC). Hi zong hi
Nimrod khua ah rak dirh a si rih. Genesis 10:9,10.
Israel Hremtu: Isael
miphun hna nih Pathian thin an hanh caan paoh ah Pathian nih Iraq Siangpahrang
tampi hna kha a hman hna i, Israel miphun pawl cu a hrem tawn hna.
Nineveh Khua: A tuanbia
kan theih lar ngaingaimi Jonah tuanbia chungah a ummi Nineveh khua kha tunai chung
hrawngah ISIS pawl nih an lak tharmi ram, (Mosul) Iraq khuapi kha a si. Jonah
3.
Esther Cauk: Esther
cauk ah thil a cangmi vialte hna kha Iraq ram thil a cangmi an si i, Judah
miphun hna nih an miphunpi huap thihnak chungin luatnak an hmuh ni camphak kha
tuchun ni tiang an ulh/lawmh zungzal tawn.
Caan Dongh Tahchunhnak: Tulio Iraq ram thil a cang cuahmah mi le Khrihfami hna an temtuar/hremnak
hi hmanungbik caandonghnak a phan dingmi Baibal nih a rak chimchungmi tlintertu
a si. – Mizo Khawvel
No comments:
Post a Comment