Kum 2005 Hlan Ah Rak Sermi Phaisa June 30, 2015 Ah A Thihter Dih Lai

Phaisa note, kum 2005 hlan ah rak serchuahmi pawl vialte cu June 30, 2015 in a thi lai i hman an ngah ti lai lo. 

Cucaah cun Reserve Bank of India (RBI) nih kum 2005 hlan ah a rak tuah/sermi phaisa pawl hna cu an account ah chiah (deposit) maw siseh, bank ah rak thleng dih cang hna u tiah theihternak thawng a thanh.

Kum 2005 tanglei ah sermi phaisa pawl vialte cu January 1, 2015 ah khan thah rak timh a si cang ko natein RBI nih June 30, 2015 tiang an thah ni le caan hi an hun sauh chapmi a si. RBI nih, kum 2005 tanglei ah an tuahmi phaisa pawl hna hi duhning tluk in an rak ṭhat deuh lo ruangah atu bantukin thihter a timhlamhnak hi a si ti a chim.

Kum 2005 hlan chuakmi ahcun ser kum an khenh lo.

Kum 2005 hnu chuakmi ahcun ser kum an khenh dih hna

Kum 2005 hnu chuakmi ahcun ser kum an khenh dih hna

Kum 2005 tanglei ah rak ser/tuahmi phaisa cahnah ahhin kum ṭial chih an si hna lo i, kum 2005 hnuah ser tharmi belte ah cun a hnunglei ah serchuah kum an ṭial dih hna.#