Film Thlakmi Vialte Lakah Phaisa Hmang Tam Bik Pirates Of The Caribbean: On Stranger Tides

Movie budget man sang pipi in an tuahmi hi an tam ngaingai, cu an tuahmi vialte lakah Pirates of the Caribbean: On Stranger Tides hi vawleicung movie an tuah cangmi lakah phaisa tam bik dihheu mi a si.   

Pirates of the Caribbean: On Stranger Tides thlaknak ah an hmanmi hi USD million 378.5 tiang an si i, a tam ngamsam ko. India rampi nih nikum ah Mars phan dingin an i timhtuahnak an dihheumi vialte kha USD million 74 lawng a ti i, On Stranger Tides thlaknak ah an hmanmi phaisa hin Mars vawlei ah voinga hrawng cu an kai khawhnak hnga tinak a si cu! On Stranger Tides thlaknak dingah hin USD million 378.5 dihheu ding khan in an rak timhtuah chungcia kha a rak si natein an hun can/thlak taktak tikah cun, inflation ruang tehna ah an dihheu leu zat cu an i timh naklengpi in a hung kai ṭhan tikah, a dihlak an dihmi zat cu USD million 397 lengkai a ti.   

Phaisa tam bik dihheu in thlakmi movie si ko hmanh seh, movie vialte lakah phaisa hmubik thimmi dirhmun 10nk chungah Stranger Tides hi a lang kho hlei lo. Vawleicung movie phaisa hui/hmu bik thimnak 14nak lawngah aa tel kho fang a si.

Hi film hi North America ah piah an ot nikhatnak ni ah USD million 34 khengte a hmuh i, cuticun piah a sika in zarkhat chung (opening weekend) ah USD million 90 a hmuh. December 2011 tiang ahkhan hi film nih vawleipi huap in an hmuhmi dihlakte cu USD billion 1 a si.  

 
Vawleicung movie an thlak cangmi pawl a tam u nih hin cun an phaisa hman dihheumi hi box office lawng i, an hmuhmi phaisa ringawt lawng nih khan cun a rulh kho tawn hna lo. Kum 1963 lio movie minthang emem, Cleopatra zong nih khan a thlaknak ah an dihheumi hi big screen lawngin cun a rulh kho lo. Asinatein TV le small screen caah an zuar ṭhanmi in khan phaisa tampi an hmuh chapchuan rih i, hi leti’n hin an thlaknak ah an dihheu leumi zat vialte hna cu an rulh khawh than tawn hna.

Movie an thlaknak ah phaisa dihbik a vun cangtu zong Pirates of the Caribbean ṭhiam, At World’s End kha a si. Kha movie kha budget ah USD million 300 timhlamh a si i, a hnu budget an hun tuah nolh ṭhan ahcun USD million 341 lengkai a ti. 

On Strangers Tides kha 2011 ah an rak piah i, At World’s End hi kum 2007 ah an piah ve. Titanic cu a dihheu tam bik pathumnak dirhmun ah a phan ve i, budget pangai an timhtuahmi USD million 200 a si ve i, a tak in an hun i thlak/can tikah cun USD million 290 hrawng a dihmi a ti ve. Cc. Vanglaini (2015)