Mizoram Lunglei Ah Zu Zuar An Ot Ni thumnak Ah Rs. 3,75,070/- Man An Zuar

June 19, 2015: MLPC Act onhnak ning bantuk in ZIDCO nih Lunglei ramṭhen ah zu zuar an ot ni thumnak ni, nizan ahkhan an zung Venglai in Zu cu an zuar ṭhan i, nizan lawng bak ahkhan Rs. 3,75,070/- an manh. Ni thumnak ni ahhin Whisky palang 1255 le Beer laang 20 an manhmi a si.

An otnak ni khatnak ahkhan Rs. 3,54,550/- an hmuh khawh i, nihnihnak ni ah Rs. 4,40,460/- an hmuhchuah rih. Ni khatnak ni le ni hnihnak ni ah hin Whisky laang 1611 le Beer laang 404 an zuar khawhmi a si.

Hiti hin ni thum chung bak ah zu an zuarmi in an hmuh khawhmi a dihlakte fonh ah Rs. 11,70,080/- a si.

ZIDCO Lunglei Asst. Manager Pi Vani nih zuar dingah chiah ciami vialte cu a dih manh cang i, atu ni caah zuar ding kan ngei ti lo tiah a chim hnu, hmaizarh chung lawng ah zuar ding kan ngei ṭhan kho cang lai tiah, a ti.

Lunglei ahhin hmun thum ah zu dawr tuahnak nawl pek an si natein, atu hi cu hmun khat lawng ah an zuar khawh rih i, hmun pahnih cu a lim khawh deuh lo ruangah an zuar khawh rih lonak a si.

Mizoram Liquor (Prohibition and Control) Act phungning tangah tukum March ni 16 thawk in khan Aizawl ah zu zuar an otmi a si. Atu bantuk MLPC bill hi July 10, 2014 ah Mizoram, Assembly ah zu zuar ding tiah biachahnak rak tuah cangmi kha a si i, MLPC Act hi January 15, 2015 in khan hman otmi a si cang. #