India ram, Maharashtra ah zu chia din ruangah a
thimi hi Zarhpi tiang ahkhan mi 97 an tling cang. Ramkulh acozah nih atu bantuk
in zu chiakha din ruangah a thimi innchungkhar sinah phaisa sing khat (ting
khat) cio in bulhnak pek an timh hna.
Mumbai khualipi ah a luancia zarh Cawnnithum zan
ahkhan zu chiakha an din ruangah minung 97 an thi i, mi 40 lengkai cu sii-inn
ah zohkhenh cuahmah an si hna.
Zarhpi ahkhan State Education Minister le Guardian
Minister of Suburban Mumbai, Vinod Tawde nih thihnak a tongmi chungkhar hna hi
a va lenkai hna hnu,Chief Minister Fund chungin phaisa fang sing khat cio
bulhnak pek an si lai tiah a ti hna.
Police Crime Branch nih atu bantuk in zu chia a
zuartu le hi thil kongah aa pehtlaihmi telhmoihnak a ngeimi vialte cu tlaih
dingah biatak tein an kawl cuahmah liopi hna a si. Acozah nih hi atu bantuk
thil a cangmi kong he pehtlai in rian ngeitu palik minung pariat hna cu nan
rianṭuanmi cungah nan fel lo tiah sualphawt hna hnuah a dinhter hna. Hi an
dinhtermi chungah hin senior police inspector Prakash Patil zong aa tel.
No comments:
Post a Comment