 |
| Mark Zukerberg |
Vawleicung minung thong tampi hna nihhin, vawlei minung a si ve lomi,
vawlei dang (planet) dangah minung an um ve ko ti kha a zum bakmi an um ve i, cu mi hna pawl nih an zumhmi cu a dikhmaan
taktak maw timi hlathlai dingah Facebook ngeitu Mark Zukerberg, Scientist
roling Stephen Hawking le Russian mirumpa, Yuri Milner hna nih cun an i tinhmi
rianhma cu ot cang.
Hi mi roling pathum hna rianṭuannak hi Breakthrough Starshot tiah min
bunh a si i, USD million 100 hrawng phaisa in hram an thlak.
Hi rianṭuannak dingah an i hngahchan bikmi thilri cu ‘nanocraft’ an timi, thil a zuang khomi, hmepacirikte kha a si. Hi nanocraft hmang in hin Alpha Centauri ah nunnak a ngeimi an um le umlo kha an hung kawlhawl lai i, Alpha Centauri hi kan umnak vawlei in hin niceu kum 4.37 in aa hlatmi a si.
Hi rianṭuannak dingah an i hngahchan bikmi thilri cu ‘nanocraft’ an timi, thil a zuang khomi, hmepacirikte kha a si. Hi nanocraft hmang in hin Alpha Centauri ah nunnak a ngeimi an um le umlo kha an hung kawlhawl lai i, Alpha Centauri hi kan umnak vawlei in hin niceu kum 4.37 in aa hlatmi a si.
Alpha Centauri hi kan umnak solar system inhin star system a naih bik
hmun a si i, arfi buu-thum umṭinak hmun a si. Hi star system ah Alpha Centauri A,
Alpha Centauri B le Proxima Centauri arfi pawl an um i, A le B hna hi a ceu
ngaingaimi an si i, vanlai arfi vialte lakah a ceu bik a pathumnak an si.
Ceu kum ti tikah ceunak nihhin kum khat chungah zeitluk hlat dah a phak khawh timi chimchinnak tahnak a si. Ceunak hi second khat chungah km 299,792 hlat a phan kho i, hiti ceunak a kalning bantuk cak/rang in kal thluahmah ahhin Alpha Centauri phanh khawhnak dingah hin kum 4.37 a hau ti a si.
Ceu kum ti tikah ceunak nihhin kum khat chungah zeitluk hlat dah a phak khawh timi chimchinnak tahnak a si. Ceunak hi second khat chungah km 299,792 hlat a phan kho i, hiti ceunak a kalning bantuk cak/rang in kal thluahmah ahhin Alpha Centauri phanh khawhnak dingah hin kum 4.37 a hau ti a si.
 |
| Stephen Hawking & Yuri Milner |
Nanocraft hi ceunak thazaang hmang i kal ding a si i, a kal ran lei hi
ceunak thazaang ran ning he cuaichun ahcun ceu rannak cheuli cheu khat hrawng
rang in a zuang kho lai i, Alpha Centauri hi kum 20 hnuah a phan kho te lai
tinak a si.
Nanocraft ahhin camera le GPS a um lai i, thil a herhhai ding dang, chiah khawh a simi zong kha an chiahchih rih fawn lai. Alpha Centauri hi nanocraft si loin, spacecraft a rang bik timi in kalter sichun sehlaw, a va phak khawhnak dingah kum 30,000 a rau lai.
Nanocraft ahhin camera le GPS a um lai i, thil a herhhai ding dang, chiah khawh a simi zong kha an chiahchih rih fawn lai. Alpha Centauri hi nanocraft si loin, spacecraft a rang bik timi in kalter sichun sehlaw, a va phak khawhnak dingah kum 30,000 a rau lai.
Nanocraft timi min hi ‘StarChip’ ti a si i, a hme taktakmi a si i,
centimetre pakhat hrawngte lawng kha a si i, gram pakhat hrawng a rihzan a si.
A battery hman dingmi hi atomic battery a si lai i, metre 4 phakkaumi lightsail
aa ken chihte fawn lai. Cc. vanglaini
No comments:
Post a Comment