India Ram Phone Ah Panic Button An Telh Chih Cang Lai

India acozah nih mobile phone serlei kongkau he pehtlai in ruahnak thar an chuahmi ah, hmaikum

thawk in cun India ram mobile phone an zuarzamh dingmi paoh ahcun zeimaw ti harsat poipang tonthut tik i hmeh colh dingmi run i vennak, Panic button a um dih a herh hrimhrim cang lai ti a si.

IT minister, Ravi Shankar Prasad nih cawnnikhatni ahkhan hi konglam hi chimnak zong a ngeih cang.


A hleice in nunau pawl run i vennak, himnak hnga caah timhtuah bikmi a si ko tiah a chim chih. Hi ahhin numeric key 5 hmehpiak in maw siseh, 9 maw siseh, hmeh lecangkate in emergency call amah tein aa tuah colh kho dingin timhtuahmi a si.

India acozah nih panic button tuah hrimhrim dingin a ti lengah hin kum 2018 January 1 in khin cun India ram phone zuarzamhmi paohpaoh ahcun GPS inbuilt a um hrimhrim awk a si fawn lai tiah a ti. Cc. vanglaini