 |
| Harriet Tubman |
US phaisa, dollar 20 bill thar ah kum 1820 lioah sal a rak si ve i, a
minung saldang pawl sal an tannak in an luat khawhnak dingah a lamkip in
bawmchantu a simi Harriet Tubman hmanthlak cu President hlun, Andrew Jackson
hmanthlak canah cuanter a si lai.
Anti-slavery advocate Harriet Tubman, hi nu hi African-American chungah
US phaisa ah hmanthlak a cuanter umchun hmasa bik a si lai. Kum za lengkai
hnuah US phaisa ah nu cuanter hmaisa bik zong a si fawn rih lai.
US Treasury Department pawl nih cun Tubman hmanthlak hi dollar 20 bill
ah hin a lai ah chiah a si lai i, a hmai ah rak cuanter a si tawnmi, President
hlun Jackson hmanthlak cu a hnu leiah an chiah ve lai.
Dollar 5 le 10 bill zongah hin thil zeimawzat thlennawn an si ve ṭhiam
i, dollar 10 bill thar i a hnulei ah women movement hruaitu minung panga
hmanthlak cuanter a si lai i, founding father Alexander Hamilton hmanthlak kha
a hmai leiah chiah a si lai. Dollar 5 bill thar i a hnung leiah president nupi
(first lady) hlun Eleonor Roosevelt le civil rights leader Martin Luther King
Jr. hna an hmanthlak cu cuanter a si lai i, a hmai leiah President hlun Abraham
Lincoln hmanthlak cu cuanter a si chih fawn lai.
Treasury Secretary Jack Lew nih cun an bill design thar hna hi kum 2020
ah tlangzamh a si lai tiah a chim. Cc. vanglaini
No comments:
Post a Comment