Computer A Dirthut/heeng Lonak Ding Tuah Ningcang

Window + R hmehning

Nifatin computer hmangin riantuanmi hna nih cun theih awk hrimhrim a herhmi a si tiah siaherhnak he ka hun thilmi a si. 

Mi ṭhenkhat cu a theicia cang zong kan si ko lai dah. Computer a fum le a dirthut/heng tbk. ahkhin rianṭuan hna a hnok i, ai a puang ṭheo tawn. 

Cucaah a tanglei bantuk in na rak tuah tawn ve asi ahcun a hlan na tuah lo lio nakkhan aa zia deuh ving ko lai tiah ruahchannak nganpi he...

1) Window + R kha hmunkhatte ah hmet.

2) Cu na hmehpiak dih hnuah a hung chuakmi caṭialnak bawm chungah khan Recent ṭial law Enter tuah. Mah na tuah dih hnu i a rak chuakmi thil pawl vialte kha Ctrl+A hmehpiak ṭhan law Shift + Delete kha hmet law Yes tipiak law a dihlak tein a hlonh dih lai. 

Window + R na hmeh dih ah a rak chuak ding bawm cu a si. (Zohchun awk)

3) Window + R kha hmunkhat ah hmehṭipiak ṭhan law caṭialnak bawm chung ṭhiam ahkhan Temp timi ṭial law Enter tuah ṭhan. Mah na tuah dih hnu i, a rak chuakmi thilri (files) pawl vialte kha Ctrl + A in Select na tuahpiak dih hnuah Shift + Delete kha hmunkhatte ah hmehpiak law, Yes hmet law hlonh dih ṭhan.

4) Window + R kha hmunkhat ah hmehṭipiak ṭhan law caṭialnak bawm chung ṭhiamṭhiam ahkhan Prefetch timi kha ṭialpiak law Enter tuah nolh ko. Mah na tuah dih hnu i, a rak chuakmi pawl vialte kha Ctrl + A in select piak dih hnuah Shift + Delete kha hmunkhat ah hmehpiak law Yes hmehpiak law a hlonh dih ṭhan ko.

5) Window + R kha hmunkhatte ah hmehṭipiak ṭhan law caṭialnak bawm a rak chuakmi chung ṭhiam ahkhan %temp% ti kha ṭialpiak law Enter tuah rih. Cu na tuah dih hnu i, a rak chuakmi thil pawl kha Ctrl + A in Select tuahpiak dih ṭhan law Shift + Delete kha hmehṭipiak hnuah, Yes hmeh i hlonh dih than ding a si ko.

Nifatin tuah lo hmanh ah zarhkhat ah voi thum li hrawng tuahpiak ahcun seh a khulfummi, a heengmi kha aa zia deuh ngai ko lai. Ref: www.yoyarlay.com