US
President-elect Donald Trump cu TIME Person of the Year 2016 caah thim a si.
Kum
70 mi, Trump hi US president 45-nk dingah thim a si i, hmaikum January thla ah
zung ah phungning in luhternak tuah a si lai. Time magazine nihhin Person of
the Year candidate mi 11 an thim hna hnuah, an lakah hin thimnak lioah Trump a
zuamcawhtu Hillary Clinton le India Prime Minister Narendra Modi zong an i tel.
Person of the Year first runner-up ah Clinton thim a si i, online readers poll
ah Modi nih a hmuhmi a sang bik ve.
US
President Barack Obama hi president ah thim a si hnu, kum 2008 le 2012 ah
Person of the Year ah hin rak thim cangmi a si bal i, kum 2000 le 2004 lio
zongah khan George W Bush thim a rak si ve i, kum 1992 ahkhan Bill Clinton thim
a rak si ve.
Tukum
Person of the Year thim ding lakah hin Trump le Clinton pinleng ah American in
minung pathum an i tel i, voi li Olympic gold medallist a rak la balmi Simone
Biles, hlasak thiam Behonce Knowles le Facebook founder Mark Zuckerberg hna an
si.
Germany
Chancellor Angela Merkel hi nikum ahkhan Person of the Year hrangah rak thim a si
i, Trump hi runner-up a rak si ve.
Time
Magazine nih hin kum 1927 in khan kumfatin Person of the Year hi a rak tuah
pengmi a si. A tir ah khan cun Man of the Year tiah min an rak bunh i, a hmasa
bik ah Charles Lindbergh thim a rak si i. Kum 1999 khan Person of the Year tiah
thlen a hung si.#
No comments:
Post a Comment