Nu Pawl Dinmi Ah Zeitluk In Dah Sii Cawhpiak A Ol Timi Hmuhsaknak Zukcawl (Nu Nih Zoh Hrimhrim Ding!!)

Nu pakhat khat kha a dinmi theihang pakhat khat chungah zeiti’n dah fawite in sii an phulh/cawh piak tawn hna timi hmuhsaknak ah an thlakmi zukcawl a si.

Hi zukcawl nih a hmuhsakmi ṭha tein kan zoh a si ahcun hawile he siseh, ziaza aa thei tuk lomi he theihang tlum pakhat khat dinṭi tikah a hlankan in ralrin chungnak a kan ngeihter hrimhrim lai tiah zumhnak le ruahchannak ngeih a si.

Kan theih cio bantuk in hi bantuk sii tlang maw a si ah siseh, sii a dipmi zong siseh olzaangte in hmuh khawhmi a si cang tikah a hlankan tein rak i ralrin chung tluk in a ṭhami a um lo.

Hi bantuk hi tuchan kan chan ko ahhin ralrin ngai a haumi thil a si i, a hlei in ramthumnak le khuapi ram ṭhanchonak ah a ummi nih kan i ralrin awkah a herhmi a si.

Hi bantuk thil ṭhalo eidinmi theihang le supmasap eimi phun ah sii phulh/cawhpiak tibantuk hi a ṭhangcho cangmi ram lawngah siloin, India ram a ummi Chinmi zong nih tlanglawng chungah siseh, sianginn kai tlunkal pah ah siseh, mithmuh kuttongh in a temmi um a si cang. Cun Myanmar ramchung zongah biatak tein ralrin a herhmi thil a si ve fawn.

Hika zukcawl link ahhin zoh khawh a si:

Cucaahcun, kan dihlak hi bantuk thil ṭhalo lak in kan him khawh nakhnga kan dihlak in kan herh ciomi cu ralringte um kha a si ko.

A hlei in kan duh dawt khawh ve lomi nu/pa, a rak kan duh ziarmi nu/pa he din eiṭi caan ah i ralrin a herhmi thil a si ve.

(Na hawinu nu/pa hi bantuk lakin a him khawh nakhnga share rak tuah ve.) Ref. Sunthit