Venezuela Nih Bank Note Thar An Chuah Lai

Venezuela acozah nih an ram phaisa, bolivar note thar nam (print) an timh, hi lakah hin bolivar 20,000 note zong nam an timhmi ah aa tel ve.

Venezuela ram nih phaisa note a ngeih chun ah a sang bik cu bolivar 100 a si i, hihi market rate ah US phaisa cent thum hrawng he an i khingkhang.

Venezuela central bank nih December 15 ah phaisa note thar hi chuah an timh i, hi note thar chuah ding timhlamhmi hi bolivar 500 in 20,000 tiang chuah ding a si lai. Bolivar 20,00 le US dollar 5 hi an i khing. Bolivar 500 nakin a tlawmmi cu a note in tuah ti lo dingin siseh, phaisa thir (tangka pia) lawng in tuah a si cang lai.

Vawlei cungah crude oil man a tlakniam ruangah Venezuela ram nih hin fak ngai in a tuar ruangah phaisa lei ah harsatnak fakpi a tong len i, ramchungah thil man a san ning a rang hringhran. 

Hi lengah hin an duhning zat in thil cawk ding zong a um huaha lo. Kum 2015 lio an ram thil man sanning zat cu 180% a tling i, tukum kum dongh lei ah hin 475% a tling hnga tiah zumh a si cio.#