Izipt Miphun Nih Pyramid An Rak Ser Lioah Khan Zeiruang Ahdah Khachuan-Rang An Rak Ei

- Khachuan-rang hi minung ngandamnak caah bawmchantu ṭha bikmi phun ah aa telmi a si caah nifatinte eipiak khawh peng ahcun a ṭha tuk hringhranmi a si. Thin zawtnak kha a damter deuh i, kan takpum thi kalnak zong a thianhlimter. Kiktlaih siseh, chungtling zawtnak tehna zong kha a damter khawh. Thawh dawp le chuah harsat zawtnak damhnak caah a ṭhami tirawl pakhat zong a si.

- Izipt miphun pawl nih hin zeitluk in dah Khachuan-rang hi minung hna kan ngandamnak caah a ṭhat i thazaang a ngeih timi siseh, zawtnak rungrul thah khawh ṭhawnnak a ngeih tuk ruangah Pyramid an rak ser lio caan ahkhan a hringin an rak ei tawnnak a si. Khawndennak hliamhma caah rungrul vennak le thahnak hrangah hman khawhmi asi lawng siloin, takpum thazaang ṭhawnnak caah a ṭha i thisen zong a thianhlimter ruangah i vennak caah ti’n an rak hman tawnmi kha a si.

- Khachuan-rang ah a ummi dat pawl hi a hring i ei lawng ahkhan kan hmuh khawhmi an si i, a chumh i kan chumhchuan tikah cun dat a ngeihmi ṭhawnnak hna kha an tlau dih ti a si. Cu ruangah cun Khachuan-rang hi chumhchuan i ei nakin a hring i ei ahkhan kan takpum caah a ṭhahnem santlai i, sii bantuk in rian a ṭuan kho.

- Khachuan-rang chantling tang na chiah bu i na hngilh asi ahcun na ihhmu zong a thaw deuh ngaingai lai. Mi cheukhat lebang nih cun Khachuan-rang hi zal chungah kan i senh ahcun vanṭhatnak tiang a chuahpi tiah an zumh. Vawlei cungah khuasami miphun a tam-u nih an zumhnak ahcun kheng le bel pawl Khachuan-rang in kan hnur/ṭaihpiak ahcun kheng le bel, pakan tbk. ah a thurhnawmmi dat pawl kha a rehter pinah, meh uih, rawl uih tbk. a um lo tiah an chim.#