Khenser (Cancer) Ngeihlonak Dingin I Venhimnak

- Zei bantuk tirawl na ei hmanh ah Khachuanrang (vankhawng) telh chih in ei khawh peng i zuam. Khachuanrang nih a kentelmi Sulfur-dat timi nih cancer aa siamlo nakding kha a ven.

- Dawnzuk (Watermelon) pumkhat caw law zing fatinte a cheu in eipiak tawn. Dawnzuk nih a kentelmi carotenoid ah a ceu-dat aa tel cunih cun cuap khenser (cancer) ngah nakding kha a kham.

- Sa- em le (BBQ) rawh tikah a thurmi hang seer thei asiloah reite (lemon) hang phun pakhatkhat kha thuh dih hnuah rawh ding a si. Sa le mei a hun i tongh tikah khin cancer ngah khawhnak meici-dat kha a vennak dingah le a thawtnak a tlaulo nakhnga dingah seerthei siloah reite hang na thuk ta hrimhrim lai.

- Tithiang tampi in din khawh i zuam zungzal fawn. Ti tampi dinmi nih pawpi a thianhlimter pinah pawpi le zunthil khenser hna kha a kham khawh.

- Thazaang ṭhawnnak Vitamin a ṭhami phun din zong nih hin takpum a ṭhawnter lawng siloin Khenser ngah khawhnak cell pawl hna kha a thah khawh ve hna.

- Minung pakhat pinleng he nupa sinak tuah tikah Human Papilloma Virus (HPV) timi zawtnak i chawnh le ngah a fawite. HPV timi hi nupawl an nau inn Khenser (cancer) a siter tawn caah nupa sinak tuah tikah minung pakhatte lawng he tuahnak in khan, hi zawtnak hna hin i venhim khawh le luat khawh kha a si.