Zimbabwe President, Robert Mugabe Biachimmi Chungin Zeimaw Zat

Zimbabwe President, Robert Mugabe

Zimbabwe President, Robert Mugabe hi biachim lei ahcun aa todelh taktak vemi pa a si. A chimmi chungin nihchuak cheukhat a si ngai ṭung i, sullam ngei fawn ṭungmi zeimaw zat hun zoh duak tuah hna usih!

1. Minak le Mirang karlak ah cikawr i thleidannak hi, mawṭaw rang nih tyre nak (black) a hman chung paoh cu fawile bai ah a reh kho lai lo i, iremnak le daihnak hmelchunhnak caah muici rang hman ṭung i, vanchiatnak hmuhsaknak le hmelchunhnak caah muici dum (anakmi) hman a si chung paoh ahcun a reh naisai pek lai lo. 

I ṭhit-umnak ah angki rangmi i hruk i, mithi vuinak bel ah angki nakmi (black) i hruk-aih hi, aa tlak bik ko tiah kan ruah chung paoh cu, minak le mirang hi kan i thleidang peng ko lai. Leiba a cham kho lomi paoh kha white-list ti si loin blacklist kan tichung paoh hi cu Mirang pawl nih Minak pawl an nautat peng ko lai. 

Snooker asiloah billiard lentecelh phun khat celhning tiang zongah, ball anak (black) paoh luh dih i, cabuai cungah ball arang (white) mi kherkher tanhtak cu teitu hmuhsaknak hmelchuntu ah hman a sichung paoh cu, anak nakin arangmi a lianngan deuh timi ruahnak a um zungzal ko lai. 

Asina belte in aw, zunput i tawpherh hnawhnak caku rang (toilet paper) taktakmi ka hman i, ka tawpherh kaa vun i hnawh ahhin cun, a poi ka tinak vialte an lotlau dih, a poi hi ka ti theng ve lem lo, a thlite cun lawmhnak khi ka hei ngei ve hme teh!

2. President Barack Obama nih hin, ngeih khat i ṭhit-umnak nawl pek ding timi hi kan ram (Zimbabwe) caah thilṭha a si ko ti i a ruah i, a kan duhpiak ngai ko a si ahcun, amah cu hung ra tuah ngat seh ca, nupi ding bakah ka ṭhit ngap lai cu! Kannih Africa ram ah hin cun tih, vokpa koko hmanh nih vokpi cu aa palh bal ṭun lo hme aw!! Setan hmanh nih khan ngeih khat i duh le i uar (same-sex marriage) hi a duh lo. Duh selaw cu tih, Evi tukforh loin Adam kha a rak tukforh hrimhrim lai cuteh!

3. Milerh, mizuangzam na si ahcun, na pumchung ah a ummi cu thinlung si loin, memory card bak a si tinak si.

4. Amui anak (black) mi nungak ngaihzawng ṭhing (ex) ngeih tluk in a harmi thil a um ti lo. A ruang cu, meihol hmuh fatinte thinlung ah a thar ṭhan tawn!

5. Hmaihnawhnak puan na hman dingmi na thim lai ah, ṭha te le ralring tein thim tawn uau, na taw naa hnawhnak puan in na hmai hna nai hnawh phum sual lai dahkaw iai!!

6. Chungṭhatlo bu, chungtlik bu bak in a voih a voih ngammi pawl hi hmeh heih aw- miralṭha bak an si tiah ka ti ve tawn hna cuh!

7. Kan meheh (goat) a tlau ahcun kan innpa zanriah meh rim ahhin meheh sa rim hlah maw a nam ko aw ti hna in kan ruatnak a dang tawn eh!

8. Nungak le tlangval pawl nih karkalak i tonghthampiak len hmanh a poi tiah an ruah ti lonak chanthar vawlei ah hin, cellphone i tonghthampiak cu ‘pumpak thilri’ tonghthampiak tiah an va hua chuachuah cuh, cu ngai cenge cu!