Cawnpiaktu Sayapa Le Siangngakchiapa Bia-elnak

Cawnnak khaan chung....

Sayapa: Khrihfa na si ti ko, a hmaan maw?

Hngakchiapa: Aw ka si ko, saya.

Sayapa: Asiahcun Pathian na zum a si tinak ti ko?

Hngakchiapa: Aw zum tuk hen ta, Saya.

Sayapa: Pathian cu mifel a si maw?

Hngakchiapa: Fel tuk lehpek ee.

Sayapa: Pathian cu miropui le milianngan thilti kho teh a si maw?

Hngakchiapa: Aw.

Sayapa: Ka unaupa pakhat hi cancer zawtnak in a rak zaw bal. Cu a zawt damnak dingah cun Pathian sinah hehlawchet tiah thla a cam i a rak hal tawn sihmanhsehlaw a dam kho hlei loh aa thihpi ṭhiamṭhiam ko. Kannih lak chungah hin minung tam u nihcun midamlo hna ṭanpi le bawmhchanh kan duh hrimhrim ko lai dah. Asinabelte in Pathian tu nihcun kan damnak dingah zeitik hmanh ahkhin a kan bawmchan in; mi a ṭanpi bal ṭung hna lo. Cuti a siahcun zei ruangah cun hme Pathian cu miding mifel cu a va si khawh kun ne hnga?

(Hngakchiapa cu dai dimdiamte khin a um)

Sayapa: A leh nakding zei nan ka thei ti loh a si ko lo maw? Atu voikhat in ka nolh ṭhan rih kun lai. Pathian cu miding mifel a si maw?

Hngakchiapa: Aw si e.

Sayapa: Cuti a si ne le cu, Setan hi teh mifel a si maw?

Hngakchiapa: Si hlah, Naisai cu! Nemmam.

Sayapa: Asiah, Setan hi mizei bantuk dah a si i, khoika hmun le hma in thla a hong chuakmi a si aih?

Hngakchiapa: Pathian sinin a si ko.

Sayapa: Aw cucu a dik tukmi a si. Von ka chim hnik tuah u, hi vawlei ahhin sual a um maw?

Hngakchiapa: Aw um e.

Sayapa: Sual cu khawzei hmun paoh ah a um ti ko? Cupinah Pathian nih zeizongte hi a ser fawn, ti si lo mei?

Hngakchiapa: Si aw.

Sayapa: Cu si ah sual hi hodah a siam?

(Hngakchiapa nihcun zeihmanh bialeh hleng loin daite khin a dir ṭeoṭo ko)

Sayapa: Damlonak hna, fahnak hna, le diklonak leh hnahchuahnak tbk. hna hi an um viar ti ko u? Hi vawleicung ahhin atu bantuk thilṭhalo taktak hna hi an um si lo mei, cucu a hmaan maw?

Hngakchiapa: A hmaan ko, Saya.

Sayapa: Asiahcun hi thil vialte zozai hna hi ho siammi thla an si hna?

(Hngakchiapa te nihcun zeiti von lehnak ding a thei kho lo)

Sayapa: Science ahcun takpum in theihhngalhnak (senses) panga na nei tiah a chim i, cucu na pawngkam minung ummi na theihhngalh khawhnak hna dingah a si ko. Cu asikon le von ka chim tuah u ca, Pathian timi hi na hmu bal rengreng maw?

Hngakchiapa: Aih ka hmu bal lo, Saya.

Sayapa: Asi rih ahcun Pathian cu; aw le thawngpang khulvai zeitel a ngeihnak na theihngal bal maw?

Hngakchiapa: Aih ka thei bal lo.

Sayapa: Asiah cun Pathian cu na tong bal tel maw, a thil duh zong hna le, rim tehna teh na thei kho maw? Cun aw...! Cu bantuk thil pakhatkhat tel in Pathian hi a um ko tinak hi na theihngal kho in na hmu kho kun maw?

Hngakchiapa: Aih! Saya, cu bantuk lei i ka hmuh cu ka thei bal bak loh.

Sayapa: Asinatein Pathian a um ti cu na zumh peng fawn ko rih si lo maw?

Hngakchiapa: Aw ka zumh ko, Saya.

Sayapa: Science fimthiamnak nih hrilhfiahnak tehna, chimfianhnak tehna, le a dikhmaan ko ti hngalhnak in hrilhfiahnak tehna hmangin hin a tuaktan tikah na Pathian cu a um loh tiah a ti i, cucu zeiti’ndah na ruahning dan a si?

Hngakchiapa: Zeihmanh chim ding ka nei loh, zumhnak lawng ka nei.

Sayapa: Aw, zumhnak tak fom cu dahkaw science nih buainak a neih leh cu...

Hngakchiapa: Asine kun ahcun, Saya, A lum (heat) hi a um rengreng maw?

Sayapa: Aw, um e.

Hngakchiapa: Cun teh kik (cold) hi teh a um maw?

Sayapa: Um ko aw.

Hngakchiapa: A hmaanlo, kik a um bal loh.

(Cu bantuk kong a hon chim hnuah cun cawnnak khaan chung cu reh ṭhipṭhiap in a um)

Hngakchiapa: Saya, Law of Physics timi ahcun thil lum a um kho, lum deuh zong a um kho rih, lum tuk zong a um kho ve, lum tuk hringhran zong a um kho fawn, lum dimdiam tete zong a um rih, lum bak lo zong cu a um kho rih ṭhiam. Asinabel tein kik (cold) hi cu a um hrimhrim a um lo rengreng. Lum (heat) hi 458 degrees, zero degree nak niamin a lumlo (no heat) a umlonak (absence) i hman sawhsawh mi biafang khat mai kha a rak si. Kik (cold) hi cu kan tah (measure) kho loh. Lum (heat) bel hi cu thazaang (energy) a si i, tah khawh zong a si. Kik he aa ralkah (opposite) hi lum a rak si lo i, lum a umlonak (absence) chimnak ca menmen a si.

(Cu thil a chim dih hnuah cun cawnnak khan cu a daidup a hong um rih)

Hngakchiapa: Saya, asiahcun mui (darkness) hi, Mui timi hi a um taktak maw?

Sayapa: Um tuk hen ta ee! Mui hi um hlah seh zaan hi zeiti’ndah a si hnga?

Hngakchiapa: Saya, na hmaan hoi ṭhan loh. Na palh ne rih hoi ai ee. Mui (darkness) cu ceunak a um lo ruangah a um sawhmi khi a si. Ceu (light) dimdiam a um kho i, ceu pangai a um kho fawn, ceu deuh zong a um kho hoi i, ceu tuk zong a um kho ṭhan i, ceu taktak mi zong a um kho rih. Asinatein ceu (light) hi hmunkakipte ah a um peng khawh lo tikah cun zeihmanh a um lo i, cucu mui (darkness) tiin kan kawh ve sawh meimei le a si ko. Asinak takte le dik hmaanning tiah cun mui hi a um bak lomi a si ko lo maw? 

A ummi va si taktak seh law cu muiter deuh khawh le muihlo ter deuh vima khawh khi a ngah lai, cucu ahmaan na ti ve ko lo maw? Saya, cu bantuk ṭhiamṭhiam in cun sual hi a um lo asiloah sual hi amah tein a chuakmi a si loh. Sual ti hi a umning dan taktak ahcun Pathian an nun ah a um lomi hna ruangah a si ko. 

Ka chim cang mi chung i mui (darkness) le kik (cold) bantuk kha a si ko; ‘SUAL’ nih sual a siam lo i, sual cu minung hna kan nunnak chungah Pathian aa tel lo tik le umlo tik i chimnak ah kan hman sawhsawhmi biafang pakhat menmai khi a rak si deih. Lum (heat) a um lo ruang i (darkness) a rung um bantuk sawh men kha a si ko. Cucaah sual hi cu Pathian an nunnak ah aa neih lomi hna nun chimnak sawsawh kha a rak si ko.

Hngakchiapa: Saya, Minung hna hi zawng (monkey) in rak cithlahmi kan si na ti ti ko?

Sayapa: Cikawr i thlahning cang pangai kha na ti duhnak a si ahcun, si hen ta yi.

Hngakchiapa: Asine ah teh zawng in minung ah aa cangmi na hmu bal cang maw?

(Sayapa nihcun a lu a lei vuaimai)

Hngakchiapa: Asiahcun zeiti’ndah na hmuh lomipi in cun minung hna hi zawng (monkey) in aa rak sersemmi zawng thlah kan sin a ti khawh? Vawleicung mi vialte lakah hin zawng in minung ah aa cangmi kan si ti hi a chimfiang kho le a rak hmu bal cang kan um ne kon hnga maw? Saya, nangmah na ruahning dan kalning phunphai sasawh menmen kha na kan cawnpiak a si ko lo hme maw hi?  Scientist maw na si hme, biachimthiam tu deuh dah?

(A chimdih lecangka sinin siang hngakchia dang vialte hna cu a viau bak in a hong viu au kuang)

Hngakchiapa: Asiah, hika khan chungah hin cawnpiaktu sayapa thluak hi a hmu bal cangmi kan um maw?

(Hngakchia dang hawile pawl cu a ni thluahmah hna)

Hngakchiapa: Asiah cun Sayapa thluak hi a hmu cangmi, a tongtham balmi, a rim thawtnamnak le thawng khulvai zeimaw a thei kan um maw? Aw, ahohmanh nih kan hmu bal loh. Asiahcun science fimthiamnak nih hrilhfiahnak tehna, chimfianhnak tehna, le a dikhmaan ko ti hngalhnak in hrilhfiahnak tehna hmangin kan tuaktan ahcun Saya nang cu thluak na ngei lo tinak a si hnga. Saya, hmaizah upatmi cawnpiaktu na si tung i, na kan cawnpaikmi thil hna hi zeitin in dah kan zumh khawh kun lai?

(Cawnnak khaan cu reh dipdep tein a um. Mithmai chianawn ṭiamṭuampi le ningzak ngai bu in khin an sayapa nihcun hngakchia pawl cu pakhat hnu pakhat tete in a zoh thliaai mai hna hnuah khin ai thawh yi...)

Sayapa: Keimah kha nan ka zumh a hau phot i, keimah ah zumhnak nan hngat hmasa a herh, cucu si ko.

Hngakchiapa: Aw, ahmaan bak. Cubantuk bangin cun minung le Pathian karlak zong hi zumhnak lawngte viar a si ko.

A Dih!

(Theihternak: Hi a cunglei “ZIRTIRTU LEH NAUPANG INHNIALNA” timi kha theihtlei ngaingai a si ko tiah ka hon lehchin mi a si. Mirang zong in a rellen cang kan um ko laid ah. Asinatein Laiholh tein ka neih le ka rel ka theih bal lo caah hi atu ah ka ron lehchin ve nak hi a si. - John Zilpici Cinzahh)

++++