Princess Diana (1961-1997)

Princess Diana (1961-1997)

Lady Diana hi Jonnie Spencer (Earl Spencer tiah zong anti) le Frances Spencer te fa pathumnak si dingin 1961 July ni 1 ah khan a rak chuak. 

Kumthum ngakchia a si lio caan tein rangcit an rak cawnter, cun amah rengreng ko zong nih hin zaangleknak (Sports) hi nuam a ti tuk mi a si ve i, a hlei khun in tileuh le Tennis tuk ah le laam (dance) hna zong hi celh a zuam ngaingai lente phun an si hna.

Diana hi a hngakchiat lioah a ningzah pang ngaimi le miholh tlawm, mi chiatnak kong chim a duhlomi le mi cungah dawtnak thinlung a rak ngei tuk mi a si. 

Inzuat saṭil, saram hna hi a duh i, a tlaihchan tuk mi zong a si fawn; cuhmanh ah cun saram a fami lei kam paoh hi a duh deuh tawn i, cuticun thilnung saram a daw tuk mi a si tikah a thilnung saṭil vulhmi an thih tikhmanh ahhin a hlonh sawhsawh mei hna loh ti a si i, minung kan i vui bantuk tein thlacamnak he a vui tawn hna ti a si.

Fimcawnnak lei ah hin a unau hna lebang a hlawhtling mi a si ve kho lo. Cawnsannak leiah thiamsang si hlah hmanh seh; mi rethei le ngandamlomi  pawl hna zawn a ruat zungzaltu a si; zarhfatinte ti awkhin mihrut pumtlamtling loin a chuakmi cawmken le zohkhenhnak hmunhma ah a va palkai tawn hna i thinlung ruahnak le takpum tlamtling lomi hna milolo hna sinah caan a va hmanpi ṭheo hna i, cu hna pawl zeimaw zeithil tete chimh cawnpiak kha nuam a rak ti ngaingaimi a si ve.

Diana le a pasal Prince Charles hna hi zeitin dah an i ton tiah cun, 1977 ahkhan Diana te sianginn an khar liocaan, ramlak i hnianghrawm (Picnic) nuamhnak an kal lioah aa rak hmutongmi an si. Hi lio ṭum i an i hmuh hmasat bik caan hi Prince Charles nih cun, “Hngakchiate hlah e maw a si ka ti ṭheo mi kha atu ahcun a rak puitling ngaingai, Ai dawh fawn i a mirh ahhin duh a nung tuk i, a pawng um hi a nuamh hin a nuam kho tuk hringhran” tiah a rak ti. Hi lio caan thawk in hin Diana cu Prince Charles nihcun a helhhumh len cang ti awk a si ko ai!

Kum 4 tiang an i zulh hnu 1981 February ni 24 ahkhan a ni hamnak kong vawleicungpi hmunzakip ah theihternak thawngzamh tuah a si hnu i, July 29, 1981 ni an hun phak ṭhan tikah cun vawleicung mizapi le Pathian hmaika ah biatiamnak ngei in an rak i ṭhi-um. Hi an i ṭhitumhnak puai hi kum 100 chungah ṭhitumhnak ropui bik a rak si phah pinah, puai hmun a chuak lang khomi si hna seh, cun TV in an puai a rak zohtu koko hmanh hi Million 7 hrawng an si lai dah ti a si.

An i neih hnu tlawmpal June 21, 1982 an hon phak cun an fa hmasa biknak Prince William cu an rak hrin. Cu dih hnu kum 1984 September ni 15 ah Prince Harry cu an von hrin ve ṭhan.

Kan theih cio bantuk in Diana te nupa karlak sining boruak hi Prince Harry chuahhnu caan tlawmpal khan chiat hram cu ai thawk vuaimai ti si i, Diana nih cun, “Mah ni lio caan thawk in khan ka thinlung in ka duhdawt khawhnak vialte cu a tlau dih khitkhet ee!!” tiah a rak chim.

A pasal Prince Charles hi pa dawh tiah hon chim khawh khi cu a si hrimhrim loh natein, a rauh hlan ah Siangpahrang ṭhutden a co dingmi a si ruangah Pasal caah khan a rak duh. Amah Prince Charles hi nungak lei ah a lerh ngaingai mi a si ve tikah khan Diana he an i ṭhitumh hnu tiangpi zongah khan nudang pawl rak komh a hman tawn mi kha aa ṭhinh kho hlei ti lo.

A nupi le fale sin um nakin cun hawile he tin ramvaih maw, nungak pawng um hna kha nuam a rak ti deuh tawn ti a si i, mah hinih hin Diana thinlung a rak fahter tuk nak a ruang bik kha a si.

Diana nih voitampi chung ṭah bu he a lemsoi len zongah zeihmanh ṭhat panh hlei aa timh ti lo tikah hi bantuk thil sining lakah cun an nupa i duhdawtnak cu an hon i hlat zuahmah i, 1992 June ni 8 an hon phak khan adang veve ah um dingin biakhiahnak an tuah dih hnu, 1996 August ahkhan felfai tein an rak i ṭhen.

Diana nihkhan Siangpahrang fanu dirhmun a si kha nuam a ti bal hrimhrim lo, zeitik caan paoh i minih an sining konglam an ngaihven pengmi le an zulhdawi camcinmi kha har a rak ti tuk hringhran. A si ko lai! Zeitik caan paoh i ṭhate zong i chawhleh khawh lo, lamleenvah caan kip zongah a hnu in an dawi peng i hman an thlak tawn. Thawngca zamhnak ah a thil hruk-aih kong, a sam pungsan le hmanthlak an cuanter pengmi zong hmanh kha a caah cun mineng thla an rak si ve hrim ko lai heih! A mawh hrimhrim loh!

Diana hi Siangpahrang fanu a si hnu in vawleicung pumpi ngeisak le zohthla bik minu ah a hong i chuah. A tir i siangpahrang chungkhar larnak vialte hna zong kha a khuhcilh dih hna. Mah cu ruangah cun Siangpahrang chungkhar pawl nih hnahchuahnak an nei i an ni karlak a ummi boruak a chiatnak hi a si ve.

Diana hi a vapa hen an i ṭhen hnu zongah a mui ai dawhnak cu a ziam kho hrim lo lengleh muidawh emem ti a si rih i, zohthla bik dirhmun ah a um peng ko. Amah he ai uar ngaizawngmi lakah pakhat a simi Dodi (Emad Mohamed Al-Fayed) Aigupta sumdawng mirum fapa he cun an i kawp zulkhal tawn.

A tir ahkhan cun Diana hi vawleicung hmanthlak ah hlawhtam bik a rak si. Dodi Al-Fayed he an hon i zulhkhalh hnu lebang hin cun a hmanthlak manfah a zual hoi, 1997 lio a fale pahnih letin Al-Fayed inn ah dinhnak caan an hman hnu hoi in cun ti le tlang, le van lei tiang in paparazzo pawl nih hmanthlak ruah ah an rak zulh huhut tiawk a si ko.

Amah Diana a thih hlan deuh ahkhan Diana le Dodi hna hmanthlak pakhat hmanh ahkhan Dollar tingting in zuar khawh a rak si phah rih hoi. Asinatein Diana nih har a hon ti ṭhan cemmi cu, hmanthla dingah an bubu in an buut le zulh dawi ringring mi kha a si ko rih.

August 30, 1997 zan Diana le Dodi cu Ritz Hotel ah zanriah an ei dih in an rak chuah cu; hmanthlatu pawl nih cun an rak hngah ṭhepṭhup ko hna i, anih Diana tu cu Dodi, Body guard he cak ngai in an rak kal chung i, hmanthlatu pawl zong nih cun heh law tiah an dawi ve colh hna. Cu ti cun Paris khualipi chung i, vawlei tang an cawhmi Alma varhlei lam cungah cun an i zuldawi hna; hi lam hi ft 502 tluk a sau i, a kauh hi 138 ft a si cu lam an von luh i tlawmpal cak deuh in an hon tlik tikah cun thang taktak in zeimaw thil a puak thawng theih a si.

Diana te chitmi mawṭaw nih cun Alma varhlei cung i a tlungkal mi hna an dannak vamchonpi cu fak tuk in a va suk. A hmun ahhin an mawtaw Mercedes-Bens W140, mawngtu Henri Paul le Dodi hna cu hmakhatte ah an nunnak a liam colh i, Diana le a vengtu Trevor Rees-Jones nih hliamhma fak tuk an ngah. Cu tikah a rannak khawh chung in siizung an panhpi colh hna hnu ah a hliamhma fah tuar celh ti loin zinglei suimilam 3 ah, hi vawleicungpi muidawh tungtai ṭha le duhnungcem timi cu hi vawlei a nunnak thaw a dih ruangmang ko ai!

Lady Diana hi vawleicung ah a taksa um ti hlah hmanh sehlaw, a min cu hi vawleipi nih hin zeitik hmanh ah a philh khawh ti lo dingmi nu a si.

CANDLE IN THE WIND

Goodbye Norma Jean

Though I never knew you at all

You had the grace to hold yourself

While those around you crawled

They crawled out of the woodwork

And they whispered into your brain

They set you on the treadmill

And they made you change your name

Chorus:

And it seems to me you lived your life

Like a candle in tha wind

Never knowing who to cling to

When the rain set in

And I would have liked to have known you

But I was just a kid

Your candle burne out long before

Your legend ever did

Longliness was tough

The toughest role you ever played

Hollywood created a superstar

And pain was the price you paid

Even when you died

Oh the press still hounded you

All the papers had to say

Was that Marilyn was found in the nude

Repeat chorus

Goodbye Norma Jean

Though I never knew you at all

You had the grace to hold yourself

While those around you crawled

Goodbye Norma Jean

From the young man in the 22^nd row

Who sees you as something more than sexual

More than just our Marilyn Monroe

Candle In The Wind (Thlahnak hla)

+++++

(Theihternak: A cunglei Princess Diana timi hi Arena Rma nih facebook ah a post mi kha theihtlei ngai a si ve ko tiin ka biaholh he a rem ningning in ka hon lehchinmi a si. - John Zilpici Cinzahh)

***++***