Ngatlaitupa ( FISHERMAN )

Voikhat cu ngatlaitupa pakhat vokkuanglawng cung a um liopi ahkhin rulpi pakhat amah lei panh in a rat cuahmah lio kha a hmuh.

Mah rulpi cu vokkuanglawng kam a phak tikah rul nih utlak pakhat a sehmi kha Ngatlaitupa nih cun a hmuh. Cutikah cun utlak a ka in ai sehmi cu a zaangfah tuk caah, rulpi ka cun utlakte cu a lak i a himter.

Asinatein rulpi caah khan lungṭha loin a um ṭhan ri hoi lo i, a pawngkam thil a ummi kha a zohngiat hna i, zeidah ka pek lai tiah ai ruah tikah a pawng ah wisky zu thawlkhat kha a hmuh. Ticun, wisky thawl cu a chin fek tein a chinhpiak dih hnuah rulpi cu a pek. Mahticun, rul zong cu ti ai leo i a kal ve.

Cuti thilṭha a tuah khawhmi cungah Ngatlaitupa cu a lungtling i ai nuam tuk hringhran. Minit 10 rauh hnuah khin vokkuanglawng kil in an cumh len thawng a thei.

Vokkuanglawng kil cumhnak a von zoh tikah cun rulpi nih a ka chungin utlak pahnih ai rak put i a rak kir ṭhan kha a hmuh ti si.

****

Minung asiloah thilnung ramsa pawl hi an duhherhmi thil pakhatkhat kan pek hna tikah, cu an herhmi hal ṭhan dingah zeimaw tik caan ahcun an rak kiar ṭhan hrimhrim ko lai mah cucu kokek thil umtu ningcang el awkṭha lo a hmaanmi kha a si. Hi pinleng zongah an hawile hna siseh, an chungkhar tiang in an von raratpite hna lai.

Olzaang tein thil pakhatkhat fawi tein hngah khawhmi cu zeihmanh ah rel a si lo i, man ngei ah chiah a si theng lo bantukin oidang zongah fawi tein ngah khawh asi ko lai timi ruahnak ngeih a si ṭheo, zeitin dah mahte in cawlcangh a hauh ve lai timi thazaang chuahnak zeihmanh tuah an huam ti lo i, khuazeika ah dah bawmh hal lai ding lawngte kha bawh in ruah a si tawn.

++++

(Theihternak: Hi a cunglei tuanbia hi ‘The Fisherman’ ti kha ai tlak ningin rak lehchinmi a si

– John Zilpici Cinzahh)