Tlangngaikuang (Scorpion)

Nikhat cu Tarpa pakhat nih ti ah a tlami Tlangngaikuang a hmuh tikah tichung in chuah kha ai tim. 

Tlangngaikuang leiah cun a kal i, ti a tlami tlangngaikuang cu a kut in a hei tongh, cu lecangka bak in a cunglei a ummi a zumte in khan a rak chunh.

Cuti a rak chunhmi a fah tikah cun tarpa nihcun tichung ah a thlak colh ṭhan i, ti lakah cun a tla.

Ti chungah a thlak ṭhanmi Tlangngaikuangte cu ka von bawmṭhan rih ko tuah lai tiah a ti i, ‘A hon tongh le cangkate in Tlangngaikuang nihcun a von chunh ṭhan hoi tikah, anih zong nih a thlak colh ve ṭhan’

Cu ti Tlangngaikuang chanh a timh i a rak chunh lengmangmi kha a pawngkam a rak um i, a hmutu hngakchiapate nihcun, ‘Ka pu ziah hme mahti cun hi bantuk thilnung chunh/sawh a hrang in a hrangmi hna, cu ti chanh le bawmh na timh lengmang ko. Amah pum na tongh paoh ahcun an chunh lai i nangmah pei maw na fahnak a si ko lai. Mah cucu nai fiang lo le maw mahti cun bawmh cu na timh lengmang ko,’ tiah a ti.

Cu tikah tarpa nih, ‘Mah Tlangngaikuang tham cu amah kokek ser a sinak hrimhrim in pei maw, a tongtu paoh chunh/sawh le henh ding kha a si cu, sihmanhsehlaw keitu cu bawmh duhnak thinlung ngei ding sermi ka si ve ti kha kai hngalh. Cucaah cun bawmh kha keimah kokek ka minung sinak bik cu a si ko i, ka chun in fahnak hong ka pe len ko hmanhsehlaw; cu ka sinak cu zeitihmanh in a ka thleng kho hlei pek lai lo eh! kai thleng fawn pek lai lo,’ tiah a leh.

Cuticun caan tlawmpal chung khua a hon ruah hnuah a pawngkam a ummi thingkung ṭengnge kha a khia i, thinghreu in cun Tlangngaikuangte cu a tlaknak hmun tichung in cun a nunnak a khamh.

******

Zeitik hmanh ah kokek ser na sinak kha thlen i tim hrimhrim hlah, mi pakhatkhat nih harsatnak an inpek a si zongah ralrin chungnak ca hrang pakhatkhat tuah ko law; thil na tuahmi vialte cungah chiaṭha thleidan thiam khawh kha i zuam peng, cuticun nunnuamnak le lawmhnak cu na hmuh ko lai.

++++