Na Facebook Account An In Fiarpiak Hnik Ahcun...

Primary Email A Thar In Thlenpiak

A pakhatnak bik ah: Account Setting timi ahkhan lut, General Tab ah Name, Username, Email, Password ti pawl khan a hmuh hna lai. 

Tikah Email kha Edit na tuahpiak lai. Chim duhmi cu Facebook na luhnak Email kha a dang na Email in na thlenpiak lai.

A dang na Email na thlenpiak dih hnuah khan Password an hal lai i, Password na thlak dih ṭhan hnu ah Save timi na hmehpiak ṭhan lai. Na Email hlun siloah a thar na thlenpiakmi asiloah a pahnihte in ca Link a von in kuat colh lai. 

A bik in hiti an von in kuatnak kha cu Email na thlenmi kongah comfirm tuahpiak a herh caah khan a si ko. Cucaah na Email a thar na thlenmi siseh, a hlun hna kha ṭha tein na chek veve hna lai.

Password Thlenpiak

Password thlen tikah a himmi Password a si kha a herh. Biana ah, na Facebook min le chuah ni thla he ai lomi pakhat hmanh na hmang lai lo cu bantuk na hman ahcun na Facebook a him lo timi kha thei zungzal. Cun na Password kha a tlawmbik cafang lungriat tel hman i zuam. aA2@%com tibantuk hman khawh ahcun a himbik i, na hman tik bel ah nangmah nih nai cinken khawh dingmi a si ve ding kha a biapi tukmi a si.

Security Enable Tuahpiak

General timi tang zawn ahkhan Security timi Tab a um lai.

- Secure Browsing kha Enable na tuahpiak a hau. Cuti na tuahmi nih Maivan https ah zeitik caan ah on le onlo an thanhtu kha a si.

- Cun Login Notification zong kha Enable tiah na chiahpiak lai. Cuti na tuah ahcun mi pakhatkhat nih Log in an in tuahpiak tikah email ah an rak in kuat lai Alert an tuah lai.

App Pawl Hlo Hna

App cu lente thil (game) phunphun kan i celhmi pawl kha an si deuh bik ko. Kan i celh pengmi App kha cu hloh a hau lo i, a poimi a si loh. Natein celh lomi Application, hman lomi App pawl kha hlonh Remove tuahpiak kha a ṭha bik. An hack tupa kha App section ah lut in na Account kha Edit an tuahpiak khawh caah a si.

Facebook Security Hmang

Security on Facebook tiah Search bar ah khan cuk law Enter na hmeh ahcun Facebook-pi i, Officeial Security App page kha a hung chuak lai. Mah in khan Password thlennawnnak, Min thlennawnnak tbk. na tuah hnu ah Security caah na duhningte khan Edit na tuahpiak lai.

Na Chuah Lai Ah Sign out Na Tuahmi Ṭha Tein Chek Peng

Nangmah pumpak nih hmanmi phone, computer tbk., asi ko ahcun zeihmanh a poinak a um lo. A sinatein hawile thilri le zapi nih hrawmmi pawl na hman tikah Sign out ṭha tein ai tuah le tuah lo kha zoh ta tawn. Cun Broser history timi kha na hlohpiak a si ahcun cucu thilṭha cem a himbikmi a si.

Link Lutmi Kip Hmehpiak Hmang Hlah

Mah hi zong hi a herh ngai ve mi a si ko. Nangmah na account kha an in fiarpiak ding dirhmun ah na um a si ahcun Message box in a rak lutmi Link pawl hna kha nai ralrin ngaingai an hau. Na zumh bakmi le ṭhate na zoh hnu le fiangmi bak lawng clik piak dingah kan duhpiak ngai.

Account pawl an tlau le hack tawnnak hi Link an rak in kuatmi hna he khan ai pehtlai i mah cu Link nan click piak tik ahcun Log in an rak tuah khawh tawnnak a si. Cucaah cun ralrin ngaingai a herhnak cu a si.

Hitin cun na facebook account fiarpiaknak in na luat na him lai tiah zumhnak le ruahchannak tampi ka ngei.

PASSWORD PHILH SUAL RUANG facebook account ONG KHOLOMI CAAH

1. Na Log in na tuah i a luh khawh lo a si ahcun, na phone off law a thar in lut ṭhan.

2. Email le Password ṭialnak tanglei ah Log in a um. Mah a tanglei deuh ahkhan Help Center asiloah Help timi kha na hmehpiak lai.

3. Cu dih cun a tanglei bantuk in hin a hung chuak lai i, “How do I reset my Password?” timi zawn kha na hmeh lai.

4. “Forgot Your Password” a ummi kha hmeh (click) piak ṭhan ding a si ko.

5. Na hmeh lecangka in “Find Your Account” na hmuh lai, cu ahcun Email, Phone no., Username, Full Name mah pawl ahkhan na duhmi pakhatkhat hmang in na Facebook account khan a kawl lai, na Account a rak langh a si ahcun “Continue” kha click law, a rak langh lo a si ahcun “Is not my a/c” kha click piak ṭhan rih. Cu ti a rak langh hlei lo a si le cu na hawile (friend0 proname 1 hmang in khan na account kawl dingin an pek ṭhan lai i, cu ti zong i a langh hlei duh lo a si ahcun na FB Account kha a tlau cang tinak a si. Hiti ka ti ruangah buai ding pakhat hmanh a si lai lo. A tanglei hmanthlak bantuk a rak langh a si ahcun na email, phone no., User name, full name pakhatkhat ṭial law Search bar kha hmehpiak.

6. Na account a rak lang cang ahcun, “Continue” timi na hmehpiak dih in, “Reset Your password” timi a rak cuanglang ṭhan lai i, Na Account a si ahcun “Continue” ti kha click piak ṭhan ko.

7. Na click piak dih bak in khan, Comfirmation code ṭial nakding "Check Your Email" a rak lang lai i, na Email ah comfirmation code a rak phan colh lai. A phanh lo a si le tlawmpal na hngah lai i, a phan colh ko lai. (A code ka thlak cia chung bia a si mu)

8. Comfirmation code cu na phone no. maw, na email pakhatkhat ah a tanglei bantuk in na Email ah a nambat paruk (digit 6) code a von in kuatmi in na Account kha comfirm na tuah lai.

9. Na comfirmation code na thlak dih hnuah “Continue” timi na hmehpiak ṭhan lai.

10. A tanglei hmanthlak bantuk in “Choose a new Password” an hal lai i na ṭial dih hnu ah “Continue” timi kha na hmehpiak ahcun na Facebook innpi cu Log in ai tuah lai i a hong lang cang lai.

Hihi a cunglei hmanthlak he langtermi hi Password philh sual tik i, thlennawn ningcang a si. Na Facebook Password maw na philh i Log in na tuah khawh lo a si ahcun a cunglei bantuk tein reset tuah ṭhan khawh a si ko.

(Theihternak: A cunglei Account remhnawn ningcang kong hi Aung Khan (TSJ team) nih an hon ṭialmi kha aitlak ning in hon lehcopmi le keimah pumpak nih tuahmi a si. John Zilpici Cinzahh)

+++