Nobody’s Child

Nikhat cu tuah awk zei a theih lem lo caah a lengvak sawhsawh. Cu a lenvah pah ahcun ngakṭah cawmkennak inn lei ah ruahlopi khin a va pial duakdak. 

Nule pa a ngeih ti lomi hnakchia pawl hna cu a runrun tete in lente le innte an rak i tiam, nuam ngai in ai dai lenmi hna cu a hmuh hna. Hngakchia tete nuam thlaimai in lente ai celhmi hna cu nuam ti ngai khin a zoh len.  

Hngakchia pawl thinlung thiangthlim tein lente an i celh i nuam siarmarte an um lio hon chuanh ko cu a rak nuam tuk hringhran. Cu ti nuam ngai in hngakchia lente an i celh lenmi a zoh hna lioah cun innkil hramte ah hngakchia pakhat dai zirziarte i a ṭhut ko khi a hei hmuh. 


Hngakchia dang vialte heh tiah nuam tein lente an i celh lioah Ziah! Mah khi hngakchiapate vial amahte lawng a um? Lentecelh a huam ve hnga lo maw? A dam lo ruangah maw ai tel duh lo a si hnga? tiah cu hngakchiapate a von hmuhbak in biahalnak lehcawk lo a thinlung chungah a um colh.

Cuti midang bantukin lente ai celh huam ve lonak a ruang zong cu theih a duh ngaingai fawn. Hngakchiapa lei ahcun a hei kal thluahmah i, hawidang hngakchia bantuk in lente ai celh huamlonak a ruang hna cu phuhrung ngai bu in khin hngakchiapate cu a hal. 

Cutik ah hngakchiapate cu amah a von chawntu lei a von hawih i, Khua a hmuh khawh lonak a mitfang chungin cun mitthli fim tete cu a hung tla thliahmah i, zeiti hmanh in thloh awkṭha loin khin a ik i, a ṭap thluahmah.

Hawile sin zongah duhduh mama in lente ai celh kho ve lo i, ai nuam kholomi ngakṭah mitcaw hngakchiapate a hmuh tikah cun a thinlung chungah fakpi in rian a ṭuan i, a khuaruah zong  a tamter tuk hringhran. “Ho fa hmanh ka si lo, Mi zeihmanh nih an ka duhdaw ve lo. Hi vawleicung ramlak pangpar bang keimah lawng a hong cawrhchuakmi men khi ka si ko ee. Dawtu sunghno nu hnamtu ding ka nei ve lo, Kilkamhtu pa mirh lio hmuh ding zong ka nei ve lo. Hohmanh nih an ka duh ve loh. Kei cu ho fa hmanh ka si ve lo ee...” a ti. 

Hiti bia a hon chim ko cu patlingpi a si cangmi thinlung cu mei alh bang a kangh i, feichunh bangin a fahter a zaangfak tuk hringhran. Sihmanhseh zeitel tuahpiak khawhmi lenih a nei fawn ṭung ai lo.

Hngakchiapate biachimmi a dih rih lo. Hi atu tan bangin hin a thinlung ngeihchiatnak mi pakhatkhat sin chimnak caanṭha hi a hmu bal hrimhrim lo. Cuti a chimmi biaka tawite nih a nun zaangram ning vialte cu a chimphuang kho dih nemmam rih lo.

Zaangfah a hruai tuk hringhranmi chimpit beidongh vansannak he a khatmi hngakchiapate nihcun, “Hika hmun ahhin mitampi an rak ra ṭheo tawn e. Kanmah lak chungah hngakchia pakhatkhat kha an fa ding caah an rak i lak tawn hna. Keimah ve zong hi an fa ding caah lak an ka duh ve tawn ko. Sihmanhseh ka mit khua hmuh lo an hon theih tikah cun an lu an lei i, hnulei an ka chit mertak ṭheo tawn ee...” a ti. 

Aw! Vawlei ngai tawn hi dah. A va poi hringhran. Cung Pathian khuakhan lairel ning theihthiam a har tuk ai. Hi vawleicung ah aho ‘Ka chungkhat’ ti awk nei ve lomi tiah a ti. Hngakchiapate biachim daite in ngaihpiak lawng anih nih a tuah khawhmi umchun a si har a ti hringhran.

Nupa ngei lomi ngakṭah pa hngakchia hmanh sisehlaw, duhmi a nei ve lai, huamsazawng a nei ve lai, hi vawileipi chungmang manhnak ram le khualtlawnnak vawleipi ahhin nule pa ngeih ve zong cu a duh tuk hringhran ve lai sihmanhsehlaw a caah cun ruahchannak zeihmanh a ngei lo bantuk ah an cang. 

Hmanhseh nun khuahar chimpit beidong vansang in um ko hmanh seh law hi hngakchiapate nih hin ruahchannak cu a neih ve ko, “Dawtu sunghno nu kut a ka pomcawitu ding ka nei lo. Lunghno ngeihchia in ka ṭah lio caan zongah hnemtu ka nei ve lo. Khoimaw caan lebang ahkhin cun keimah lawng ka um i ka lunglen tuk ruangah hin i thahnawn daih hna ka lung ah a chuak tawn ee. 

Ruahchannak he a khi vanram zalampi ah ka vai chawk, cuka hmunnuam van khualipi ahcun mitcaw rengreng hmuh ding kan um ti lo. Cu hmun ka phak ve tik ahcun hngakchia dang ka hawile bangin hin ka caah hmunnuam a um cang lai i, dinhnak inn ka nei ve te ko lai. Sihmanhsehlaw atu hika ahhin cun hohmanh a ka duhmi an um ve lo, Aho mizei fa hmanh ka si ve kho lo ee...”

Chim ding zeihmanh a nei ti loh. Aa ruahchannak hna, a dirhmun zeizongza cu a theihlomi khualpa sinah a chimphuan khawh dih cang. Cu mipa zong nih cun zeiti von hnemhnak biachim ding a thei kho lo. Sihmanhsehlaw a duai kho ti lo dingmi hla “Nobody’s Child” timi a rak chuahphahnak cu hi tuanbia ruangah hin a si.

Nobody’s Child

I was slowly passin’ an orphan’s home one day

And stop there for a moment just to watch the children play

Alone a boy was standin’ and when I asked him why

He turned his eyes that couldn’t see and he began to cry.

I’m nobody’s child, I’m nobody’s child

I’m like a flower just growing wild.

There’s no Mommy’s kisses and no Daddy’s smiles

Nobody wants me I’m nobody’s child

People come for children and take them for their own,

But they all seem to pass me by and leave me all alone.

I know they’d like to take me but when they see that I’m blind.

They always take some other child and I’m left behind.

I’m nobody’s child, I’m nobody’s child

I’m like a flower just growing wild.

There’s no Mommy’s kisses and no Daddy’s smiles

Nobody wants me I’m nobody’s child.

No mother’s arms to hold me or soothe me when i cry,

Sometimes it gets so lonely here, I wish I could die.

I walk the streets of heaven where all the blinds can see,

And just like for the other kids there’d be a home for me.

No mommy’s kisses and no daddy’s smiles

Nobody wants me I’m nobody’s child.

{Karen Young nih "Nobody's Child" hla YouTube chung an chiahmi a tanglei ahhin ngaih khawh a si lai.} 

=========

Mah hi hla Nobody’s Child ti hi Cy Coben le Mel Foree i an phuahmi a si i, Record tuah hmasatu bik cu Hank Snow a si; 1949 kum ahkhan ai rak tun diam cang. Sihmanhsehlaw chart ah a rak kai puitlinhpi kho lo. Cuti cun caan a vung liam vima i, mi tampi nih a hon sak lulhmalh cio hnu, UK lebang ah cun a hung lar tluahmah. 

1956 kum ahkhan Lonnie Donegan nih Album ai chuah hmasabik mi chungah a rak telh hoi cu, kha lio caan ah UK ram hlathim No. 2nk tiang uarmi ah a rak i hlirh cho phah. Cun kum 1961 in Tony Sheridan le The Beatles phu pawl hna nih tin an von tharchuah ve ṭhan hoi. 

Ticun, kum 1969 thawk in Karen Young nih a von sak ṭhan ve i, UK hlathim ah No. 6nk tiang uarmi ah a rak chuahpi rih. 1969 kum ahkhan Hank Williams Jr. nih a von sak ve ṭhan i, US ramchung hlathim uarmi lakah No. 46 a von sipi ve ṭhan khawh. 

Cu hnu 1990 kum khan The Travelling Wilburys’ nih an von sak ve i, UK ah No. 44nk an sipi ve. Mah hi pinleng ah mi dangdang hlasak thiam pawl hna zong nih an sak pehzulh rih, cu pinah hi hla hi hngakchia sianginn school songbook tiangah an chiah cang.

(Theihternak: Hi a cunglei cabia te hi BigDaddy Hmahmatea II nih a ṭialmi kha ka rel i ka duh ngaingai caah theihtlei ngai a si ve ko hlah i tiah ka hon lehchin ve nak hi a si- John Zilpici Cinzahh)

+++