Laimi nih zawngṭah kan
timi hi tropical plant a si i, Asia nichuah-tlanglei (southeast Asia)
hrawnghrang ahkhin a tambik hmuh an si. Malaysia, Indonesia, Thailand le
Philipines ram hna ahhin a lar ngaimi le an ei ngai ve mi thei a si. Scientific
min in cun Parkia Speciosa ti a si. Mirang nih bitter bean, twisted cluster
bean le stink bean tiah cawhpolh in an chim tawn.
1. Taksa Cahnak Petu:
Amah kotho sinak hrimhrim ah kokek thlumnak (natural sugar) phunphun sucrose,
fructose le glucose pawl an um pinah fiber pawl zong a ni tel rih, mah hi
ruangah hin taksa cahnak petu (instant energy boost) ṭha taktak a si.
2. Thisen kai (high
blood pressure) a ven: Zawngṭah ahhin potassium dat tampi a um natein a almi
dat belte a niam ngaingai. Mah hi ruangah hin thisen kai a neimi hna caah eidin
ṭha ngaingai a si.
4. Ek fer
(constipation) Sii-ai: Fiber tampi a um ruangah kan pawpi chung rawl um kha a
nuamhter cu ruangah ek fer (constipation) lakin a kan ven i, ek nemnak le
chungtlik sii-ai (laxatives) ṭha ngaimi phunkhat a si.
5. Anemia Ventu: Iron
dat tampi a kentel i, minung kan thi phunkhat a si mi thisen (red blood cell)
chuahtertu a si i, thisen chambau tuk ruangah a chuakmi zawtnak (anemia) phun
lak in venghimtu ṭha ngai zong a si.
6. Depression Sii-ai:
Dothlatnak nih a langhterning in cun depression neimi pawl caah damnak sii-ai ṭha
ngaimi a si tiah an chim. Zawngṭah ahhin protein dat phunkhat a si mi
tryptophan dat phun ai telmi nih hin thinlung zaangdamnak mi a pek khawh i,
‘mood’ a sersiam, lungrawh le lungfahnak hna kha a nem/damter phah khawh ti a
si.
7. Ulcer vengtu: Kan
pawpi chung ah Acid dat tampi a um dingmi (over-acidity) pawl a tlawmter deuh
khawh cu ruangah pawpi ulcer lak zongah vengtu ṭha taktak mi a si fawn.
(Theihternak: Hi a
cunglei ZAWNGṬAH kong theihtlei hi Ralte Kta nih a ṭialmi kha hon lehchinmi a
si - John Zilpici Cinzahh)
+++
No comments:
Post a Comment