Zuanzam ruangah nu le va aa ṭhenmi hi an tam chin lengmang. Cu pinah nungak le tlangval aa
ngaizawng/duhmi hna zong an i ṭhen ṭheonak a si.
Hi thil nih hin lungfahnak, ngeihchiatnak le mitthli tlaknak a chuahter tawn i, ngakṭah tiang zong an tam phah lengah, lengleh zaangfak tampi an um tawnnak hi a si.
Mi cheukhat hna lebang nihcun an nun ziaza tiangin a sunghral phah ṭheo hna i, aa duh daw cukmakmi le aa ngaizawng komi hna zong kha an karlak ah intuarnak fak tuk a chuakter ṭheo. Zuanzam nih hin effect tam tuk kentelmi a ngei lengluang i, chim dih khawh ci phun va si pek hlah! A poi tuk hringhranmi a si tidah locun… Cubantuk thilṭhalo a chuahter khomi zuanzam cu hun zoh hnik tuah hna usih.
Hi thil nih hin lungfahnak, ngeihchiatnak le mitthli tlaknak a chuahter tawn i, ngakṭah tiang zong an tam phah lengah, lengleh zaangfak tampi an um tawnnak hi a si.
Mi cheukhat hna lebang nihcun an nun ziaza tiangin a sunghral phah ṭheo hna i, aa duh daw cukmakmi le aa ngaizawng komi hna zong kha an karlak ah intuarnak fak tuk a chuakter ṭheo. Zuanzam nih hin effect tam tuk kentelmi a ngei lengluang i, chim dih khawh ci phun va si pek hlah! A poi tuk hringhranmi a si tidah locun… Cubantuk thilṭhalo a chuahter khomi zuanzam cu hun zoh hnik tuah hna usih.
Q: Zuanzam/mitpar Ngeih Hi Zeidah A Si?
- Zuanzam hi zumhtlak lomi sinak a langhtertu le hramthlaktu a si i, duhnunnak a ngeilomi ziaza zong a si. Duh cintawk a ngeih lo pinah, ri cintawk zong a nei hlei fawn loh; muidawh, tungtaiṭha, pum le rua lawng zoh in an thinlung a zuan caah, an kawpmi nungak le tlangval, nule va cung in pa/nu dang vai duhnak i, sual tuahnak hmasa bik ah a cang ṭheo tawn. Khat le khat i duhdawtnak a filtertu a si i, amah bon peng nih a simh ruang hna ah maw siseh, a bawnbok le maantat peng kan ti hnga dah, duh lo ruangah maw a ummi a si. Hi bantuk hi a puitling lomi le duh a nung lo tukmi nun ziaza a si.
- Zuanzam timi hi tleirawl mino lakah hin a zual hma khunmi a si i, nu le pa zongah hin a mui aa dawhmi hna lakah a zualhma khun rih hoi. Zeicahtiah muidawh nihcun helhhumhtu le duhtu an ton deuh khun ruangah, hi nihhin nungak tlangval sinak lei ah tuan tuk lawmmam in a hruai hna le theihhngalhter hna caah a si. Cuticun nungak tlangval a thei tuantukmi hna cu a tlangpi in an zuanzam khun tawnnak bik kha a si.
Cun zuanzam le mitpar ngeihnak thinlung a chuahnak a ruang bik pakhat cu muidawh le lenglei langhsarnak lei deuh lawng duh le cuanh ruangah a si tawn i; hi bantuk i a nungmi hna pawl cu nun ziaza ṭha a ngeimi an um kho taktak bal hna lo. Nun hmanthiam lo le i ralrin lo ruangah zumhtlak lomi sinak nih zuanzam hi a hrinmi a si ti usilaw kan palh tuk lai lo dah ngai e.
Q: Zei Ruangah Dah An Zuanzam?
- Mi zei bantuk hmanh va si ko hna seh law, an zuanzam/ mitpar ngeih hnuhnu ahcun zumhtlak an si lo ruangah khan a si ko. Amah ah i hngatchannak tlak zeihmanh a um kho ti lo i, an nunzia zong zohchuntlak an si tawn lo. Zeipaoh nih khan a simh neng zungzal tawn hna caah, thinlung fek le dirhmun hnget a ngei kho lo. Cucaah a komhtu tlangval nungak le an nupi le pasal caah ṭihnung taktak an si.
Thilthar kip an duh, an lawmthiam zungzal fawn i, cu nihcun a thar sinah lungthin perchawinak huamnak a pek ṭheo hna ruangah an zuanzam phah tawnnak hi a si. An thilti khawhning paoh chuah in, an nupi/pasal si hna seh, an nungak/tlangval deh le hlenthawi kha a poi ah an chia kho ti lo.
Cu pinah midang lungfak tuk in chiah le in tuarter zong kha an hreh lo i, a poi ah an chia ti lo. An minung titsa caknak diriamhter tuah lawnglawng kha tlamtlinter an duhbikmi cu a si i, cucu anmah pumpak zawn lawng i ruat in le nunnuamhnak lawng an kawl tuk ruangah a si.
Thilthar kip an duh, an lawmthiam zungzal fawn i, cu nihcun a thar sinah lungthin perchawinak huamnak a pek ṭheo hna ruangah an zuanzam phah tawnnak hi a si. An thilti khawhning paoh chuah in, an nupi/pasal si hna seh, an nungak/tlangval deh le hlenthawi kha a poi ah an chia kho ti lo.
Cu pinah midang lungfak tuk in chiah le in tuarter zong kha an hreh lo i, a poi ah an chia ti lo. An minung titsa caknak diriamhter tuah lawnglawng kha tlamtlinter an duhbikmi cu a si i, cucu anmah pumpak zawn lawng i ruat in le nunnuamhnak lawng an kawl tuk ruangah a si.
Zuanzam hi a ṭhatnak an chim ṭheo ve tawnmi cu, thil dawh le duhnungmi an thei kho tuk hna. Cun i thianhhlimh lei hi an zuam khun, an huamsazawng a si ve ti a si. Asinain thil dawh le duhnung an theih khawh tuk caah an kawp lio cuahmahmi nu/pa an duhdawtmi hna lakah khan a tlangpi in zumhtlak lomi an si ṭheo. Cu ruangah cun, kei nih cun thilṭha a chuahpimi hi chim tam ding ka theihmi a tlawm ngaite.
Zeipaoh sisehlaw, zuanzam nih hin thilṭha nakin ṭhalo a hrinmi hi a tam deuh tawn. Cu ruangah zuanzam hi kaltak law, nunṭha tein hman i zuam cang. Zohchunh awktlak in nun i zuam law, lenglang dawhnak langsar sawhsawh lawng a ruatmi si ti loin a lang lomi chunglei dawhnak kha fakpi in hmunhma pek ve i zuam.
Cun zumh a tlakmi nupi/pasalṭha, le nungak /tlangvalṭha ngeih na duh a si ahcun na zuanzam kha ngol law, thangthar le tivun nonal thar kipah khan buai in na mit zuanter ti hlah. Na duhdawtmi (ngaihzawng) nupi/pasal ahkhan na lungtling law, cuticun na chanchung in nupi/pasalṭha zumhtlakmite le tha cu na ngei hrimhrim kho ko lai.
Cun zumh a tlakmi nupi/pasalṭha, le nungak /tlangvalṭha ngeih na duh a si ahcun na zuanzam kha ngol law, thangthar le tivun nonal thar kipah khan buai in na mit zuanter ti hlah. Na duhdawtmi (ngaihzawng) nupi/pasal ahkhan na lungtling law, cuticun na chanchung in nupi/pasalṭha zumhtlakmite le tha cu na ngei hrimhrim kho ko lai.
(Theihternak: A cunglei cabia hi Dinmawia Tlau nih Chawnpui, Vol.1, Issue No.2 'Lerh hi enge?' tiah a ṭialmi kha blog ah a ka lengkaitu hna caah santlai le ṭhathnemnak zeitel a kan pe cio hmanh maw tiah siaherhnak nganpi ngei in ka rak lehchinmi a si.)
++++
No comments:
Post a Comment