SIM Dangdang Top Up Zuk (Cut) Mi Siamremh Ningcang

India ram SimCard Phun 6 Logo Pawl

Tutan cu zeidang thil si loin India ramchung a ummi zapi nih kan ton lengmangmi Sim phaisa an kan zuk (cut)mi siamremh ningcang kha ka hun thil. 

Hihi Sim chung phaisa rawnmi an kan zuk (cut) mi pawl hloh hi, Vai pawl chung ah siseh, kanmah Chinmi chung zongah buaibainak kan ton ṭheo tawnmi a si. 

Cucaah tutan ah India ramchung Sim a hmangmi vialte caah theihtlei theihṭha le ṭhahnem santlai a si lai ti ruahchannak he ka hun ṭialchin chommi a si.

- AIRTEL : Airtel a hmangmi hna nihcun STOP hi 121 ah hei kuat in maw siseh, *121*5# nan hmeh hnuah call tuah khawh an si veve. Cakuat (message) an van in kuat colh lai i, hiti hin (Kindly note there are no services active on your Airtel number) an rak ti si ahcun VAS activate na number ah na tuahmi a um lo tinak a si lai. Natein, (The following services are active on your Airtel number) an rak ti siah cun VAS activate pakhatkhat (thil pakhat khat man cawiliam dingin na tuahmi subscribe) a um tinak a si. 

Na thil subscribe na tuahmi kha 1,2,3 tiah a chang tete in an pek lai i, an van kuat lai. Mah cu na lakmi pawl ngolter na duh a si ahcun number an pekmi khan a ṭial lai i (sms reply) na hei kuat colh ko lai. Voikhat kuat ah pakhat lawng ngolter khawh a si caah subscribe 2 maw, 3 hna na tuahmi a um si ahcun a hramthawk in tuah nolh ṭhan lengmang a hau ve.

- BSNL : BSNL ahcun *456*00# hi nan dial lai i, nan kuat dih in nan thil subscribe-mi leti’n a ngolternak ding code an in kuat tel chih hna lai. Cun phundang zong in STOP ti kha 155223 ah kuat ding a si ko.

- AIRCEL : Aircel ah STOP timi kha 155223 ah na hei kuat lai i, VAS activate tuahmi na ngeih a si ahcun, cu na lakmi min pawl leti’n cun an rak kuat chih ve lai i, number in khan ngolter na duhmi cu kuatchinnak reply ding kha a si ve ko.

 - VODAFONE : Vodafone ah *321# nan dial lai i, Flash Massage a rak phanmi kha number 2 in na hei kuat/leh reply hna lai i, VAS activate na tuahmi a um siahcun na thil subscribe na tuahmi kha an rak kuat colh ve lai i, number in khan ngolter na duhmi kha reply hei tuah ṭhan ding kha a si ko.

- RELIENCE : Relience ah STOP ti hi 155223 ah na kuat ve lai i, VAS activate a um ahcun ngolter nakding code number leti’n an rak in kuat chih lai i, STOP timi le Code number an in kuatmi leti’n khan hitihin (Stop>code<) na ṭial dih hnuah 121 ah na kuat lai. (Tc. Stop1127 to 121)

- IDEA : Idea ah STOP ti kha 155223 ah na kuat hna lai i, VAS subscribe na ngeih a si ahcun Massage in an van in chimh colh ve lai i, ngolter na duhmi kha number an pek tel chihmi inkhan kuat reply na hei tuah ko lai. Cuti si lo le phundang zongin tuah khawh ṭhiam a si ve rih. Mizoram zongah anmah Mizo holh tein an tuah khawh ve cang. 

Number 53509 na call lai i, phone keypad number 5 kha na hmehpiak lai i, Mizo holh tein tuah dingmi kha a rak in chimh colh ko lai. Number 2 kha hmet tbk., in aa chang tete in hmeh ding kha an van in chimh lai, cu an in chimhning tein cun tuahpiak vial kha a si ko.

Hi ca na rel hnu cun SIM na hmanmi chungah phaisa na rawn i, thil pakhatkhat cawi dingah na tuah sual subscribe-mi kha oltarawk tein zeitik caan paoh ah na ningkel tein siamremh khawh colh cang lai ti ruahchannak nganpi ngei bu in...

(Theihternak: Hi a cunglei Phone SIM kong hi Chanchinthar World News ah an van thlahmi kha India ram Chinmi caah thahnem a si lai tiah ka von tialnak a si.)