America Ram Dothlatnak Nih An Hmuhmi

A luancia kum 40 ahkhan Yale University nih kum 7 chung hrawng felfaite le ṭhate in dothlatnak an rak tuah. Cu an tuahmi cu zei lei kong dah a si tiahcun, nule pa an nunning he aa tlak hin an techin fapar cithlahmi hna cungah zeitluk tiang khin dah sullam thathnemnak a ngeih timi kha an kherhhlai bikmi cu a si ko. 

Minung pahnih Pathian a um lo ti a zummi (Atheist) Max Jukes le Pathian biachim phuangtu minthang le Theologian roling Jonathan Edward hna an i thlah chawnning an khertlainak nih a phichuak an hmuhmi cu a tanglei bantuk hin a si. An pahnih hin fa 13 veve an ngeih hna.

 MAX JUKES

*Cithlah zat: 1026

*Lainawng = 27

*Biaceih zung nih sual phawtmi zat = 300

*Zu/sii tama chuak zat = 509

JONATHAN EDWARD

*Cithlah zat: 929

*Pastor/Missionary/Theologian = 430

*Catial thiam (authors) = 75 (O Henry zong kha Edward cikawr thlah chin a si)

*Professors = 86

*Congressman = 7

*Governors = 3

*Vice President of U.S.A. = 1

*College/University President = 13

Vawleicung University ṭhabik lei pawl minthang Harvard University ah President rian a ṭuan cuahmah lio mi, Gilpin Faust timi nu hi Jonathan Edward cithlah chungah aa telmi a si. Cun amah hi Harvard University ah nu President ṭuan hmasabik a si fawn.

Max Jukes hi zum ram taktakmi a s ii, Freedom movement an timi a tuah i, cu ahcun zalong tein nupa sinak (sex) hman tehna, cawnnak lei a herhlo ti tehna le phunghram zulh ding reprai ngeih a herh lo ti tehna hi a kalpimi a si. Nupi caah amah bantuk ṭhiamṭhiam a simi, Pathian a ṭihlomi a thim i a thit rih. Jonathan Edward nih cun amah bantuk Pathian a tihzahmi nu kha nupi ding caah a thi ve. Cun amah hrimhrim hi mah le mah aa tei/ṭhing kho taktakmi zong a si.

"Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si" (Phungthlukbia 10:7)