US Navy Seal pawl nih Abbottabad, Pakistan ram ah al-Qaida mihraang pawl haotu, Osama bin Laden an thahnak a innchung ah an hmuhmi document biapi zeimawzat cu US cozah nih zapi hmuh dingin an tlangzarh cang. Hi an tlangzarhmi a document ning ahcun amah ai a awhtu ding caah a fapa kum 22, Hamza a duhnak kong a ṭialtak mi in theihghngalh khawh a si.
Bin Laden document an chuahmi lakah aa telmi zeimaw zat hna cu-
Bin Laden document an chuahmi lakah aa telmi zeimaw zat hna cu-
- Application form: Anmah phu chungah i tel le pehtlaih a duhmi pawl caah nawlhalnak application form ṭha tein an tuahmi hmuh a si. Hi an tuahmi form ahhin tehton (experience) zeitluk in dah an rak ngeih cang timi tehna, an i tinhmi zeidah a si ti tehna, hi lengah anmah phu pawl caah nunthap bomb puah dingah an i pekchanh ngam lai le lai lo tehna hal dih an rak sinak kha fiang tein a theih a si. An phu caah nunthap in martyr a thih tikah, ho mizei dah biakchawnh piak na duhte lai timi halnak tehna zong a um rih lengah zawtnak a ngeimi cikawr chungkhar phun an si le silo tehna tiang in halnak an tuah hna.
- A nupi pasal dang ngei than kho dingin duhthim khawhnak a pek: A nupi pakhat sin ca a kuatmi ahcun, a thih hnuah pasal dang ngei ṭhan kho dingin duh thim khawhnak nawl a pek. “Ka um ti lo hnuah pasal ngeih ṭhan duhnak thinlung na ngeih siah cun ngei dingin kan sianh i, cucu nangmah duh thimnak ah aa hngat. Asinatein Paradise i kan i ton ṭhante tikah cun keimah nupi si ṭhan dingah kan duh,” a ti.
List an chuahmi in hin Bin Laden nih English Bishop pawl tuanbia a rel lengmang tawn timi theihhngalh khawh a si, natein zei bantuk kong cu dah a rel hna timi belte fiang in chim a si lo.
- Conspiracy theory a tlaihchan ngaimi a si: Osama Bin Laden hi Conspiracy theory leikam a uar ngaimi a si. A cauk chiahnak hrawl ah American conspiracy theorist, Fritz Springmeier ṭialmi, ‘Bloodliness of the Illuminati’ le Eustace Mullins ṭialmi ‘The Secrets of the Federal Reserve’ pawl aa hunhmi an hmuh hna. Amah zong hi conspiracy theorist pakhat a si.
Hika a tanglei hna hi Osama Bin Laden nih a rel bibik tawnmi cauk pawl tiah an hmuhchuah khawhmi cu an si i, hi langhtermi lengah Economic le Military theory, (Chawleh chawhrawl sipuazi lei le ralkah thiamnak cauk) English i ṭialmi zong a rel hna ti a si-
- Necessary Illusions: Thought Control in Democratic Societies by Noam Chomsky
- Imperial Hubris: Why the West Is Losing the War on Terror by Michael Sheuer (former CIA officer)
- Oxford History of Modern War by Charles Townsend
- The Rise and Fall of the Great Powers by Paul Kennedy
- Obama’s Wars by Bob Woodward
- America’s War on Terrorism by Michel Chossudovsky
- New Pearl Harbor: Disturbing Questions about the Bush Administration and 9/11 by David Ray Griffin
- Popular Science magazine
- Al-Qaeda’s Online Media Strategies: From Abu Reuter to Irhabi 007 by Hanna Rogan
- Bloodlines of the Illuminati by Fritz Springmeier
Al-Qaida hruaitu document chuahmi ah hin France kong a chimnak voi 19 tiang aa tel. Bin Laden nih hin aa timh bikmi cu America mi a tam khawh chung tam thahnawn kha a si. A ca kuat pakhat cungah cun US President hlun, George W Bush hi tuchan ‘Pharoah’ tiah min a khenh pinah, mithat lainawngtu pa a si tiah a ti.
Pakistan ram Abbottabad i, a umnak inn in hin paper le video 103 an hmuhchuah khawhmi zat a si i, document a tam deuh cu Arabic holh in ṭialmi an si hna. Kum 2011 May thla ahkhan US special force nih caan saupi chung an kawlhawl hnuah Bin Laden hi Pakistan, Abbottabad i a duup/umnak innkhan chungah an luhhnawh i meithal in an rak thah.#
No comments:
Post a Comment