Vawleicung Caruk (library) Lian Bibik Pa (5)

A tanglei van langhtermi hna hi vawleicung library lian bibik panga khomhsuatmi an si. An caruk (library) ngeih tlawm tam hoih hin hlah maw, ramkip an ṭhanchoning le fimthiam sanning hna hi kan tah ding an si hnga. Kan ram Burma ramchung ah teh mizei miphun dah library ah cauk a ngei bik an si hnga? Cuka hmunhma caruk tam bik umnak i khuasami nih Burma ram cu an hum zungzal ko hnga lo maw?

Chinram chungah hin teh khoika ramṭhen le khuate le sianginn dah caruk tam bibik a ngei i, a rel kho an si hnga? Chinmi zong ramkip ah khua kan sa cang cuka khua kan saknak hmun ah caruk (library) a tuahmi zong kan um i an tha tuk hringhran. 

Asinatein, cu nakin a tha deuh tiah ka ruahmi cu, kan chuahsemnak kan ram Hakha, Thantlang, Falam, Tidim, le Matupi tbk. hna ahhin tuah deuh usih law hmailei kan ram le miphunpi nih kan i hlawkpi deuh ding a si hnga lo maw ti hi a si. Chinram ah a um ciami caruk (library) a lamkip in a ṭhanchonak ding kan bawmhchanh tawnmi hna kha pehzulh tein bawmchan zungzal  dingah i zuam ṭualmal ko hna usih.

Vawleicung ram ṭhangcho le fim thiamsang ram kan timi hna hi zeitluk in dah an caruk a rak ropui timi le cauk an ngei tam ti kha a tanglei ah zoh ve tuah hna usih.

Library of Congress

1. Library of Congress, Washington DC, USA : Hihi kum 1800 ah an rak dirhmi a si i, vawleicung caruk (library) lian bik a si. Cauk hi uk 29,000,000 hrawng a um. USA ramchung caruk vialte ah a lian bik zong a si.

British Library

2. British Library, London, UK: Kum 1753 ah rak dirhmi a si i, cauk 18,000,000 hrawng a um.

Russian State Library

3. Russian State Library, Moscow, Russia: Kum 1862 ah rak dirhmi a si i, cauk 17,000,000 hrawng a um ve. Pahnihnak he an i thlau tuk theng lem lo.

Bibliothèque Nationale

4. Bibliothèque Nationale, Paris, France: Kum 1461 ah rak dirhmi a si i, cauk 14,000,000 hrawng a um.

Harvard University Library

5. Harvard University Library, Cambridge, Massachusetts, USA: Kum 1636 in rak dirhmi a si i, cauk 13,600,000 hrawng a um. Cc. BIG BRAIN BOX - B3™