9 June: Food Safety and Standards Authority of
India (FSSAI) nih minung caah eidin ṭihnung tiah an hmuhchuahmi, Nestle India
serchuahmi Maggi phun dandang la dih dingah theihternak thawng an thanh hna
hnuah, kampani dang pawl nih an serchuahmi Starbucks, Kellogg le Venky tehna
zong blacklist ah an telh ṭhan cang hna.
FSSAI nih Starbucks, Kellogg le Venky pawl thil
sermi phun 500 hrawng cu chek hneksak tuah a si hnuah, hi eidin thil an
serchuahmi hna pawl ahhin heavy metal, caffeine le iron level aa telmi a sang
tuk ti kha an hmuhchuahmi cu a si. Blacklist ah an telhmi lakah hin Tata
Starbucks eidin sermi tehna, Kellogg cereal tehna, Venky nih arsa in eidin an
serchuahmi le Ranbaxy multi-vitamin tehna zong an i tel dih hna.
ITC, GSK consumer, Ruchi International le Indo
Nissin serchuahmi khohsuai, pasta le macaroni tehna cu chek hneksaknak tuah
dingah FSSAI nih thawngthanhnak an tuah cang fawn.
Maggi khohsuai khap a si ruangah hin Nestle India
plant, Maulinguem, Bicholim i contract worker 500 an rian dirhmun a chiatchuah
ngaingai hna i, kampani nih contract worker pawl hna cu rianṭuannak hmun ah kal
rih lo dingah theihternak thawng an thanh hna. Hi chungah hin zeimawzat hna cu
hi kampani ah kum li khengte rian a rak ṭuan bal cangmi zong an i tel.
United Kingdom ah Food Regulator zong nih Indian
Official pawl hna sinah Maggi noodles chek hneksaknak an tuahmi aphi chuak cu a
hal ve hna. UK ramchung ah Maggi Masala variant hi India ram in luhpimi a si
tiah Nestle nih a chim.#
No comments:
Post a Comment