15 June: Kum 2016 ah US President thimnak tuah
dingmi ah Democratic candidate si dingin aa timtu, Secretary of State hlun
Hillarty Clinton nih Zarhte ahkhan official campaign cu a ot cang.
Hillary Clinton nih tutan official campaign hi New
York City, Roosevelt Island, Four Freedoms Park ah onnak a tuah i, “America mi
zeimawzat telawng, mi cheukhat ca lawngah si loin, America mizapi hrang ah ka ṭuan
lai,” a ti.
Zarhte ahkhan Presidential campaign onnak rally
ahhin minung 5,500 hrawng an i tel kho i, Hillary pasal, US President hlun Bill
Clinton le a fanu, Chelsea Clinton tehna zong an i tel ve.
Rally ah biachimnak a ngeihmi ah, Hillary Clinton nih
an ram mizapi ṭhanchonak caah economy siamremh aa timhnak zong a chim i,
America hlawhtlinnak cu mi thilti kho hna le mirum pawl in tah loin, America a
ummi chungkhar vialte dirhmun in tah awk a si, a ti.#
No comments:
Post a Comment