8 June: India ram acozah nih Maggi khohsuai cu
minung ngandamnak caah ṭihnung a si, a him thlu lo ti kha an phuanzar ruangah
Mizoram ramkulh acozah zong nih Mizoram chungah luhpi lo le khap dingah
timhlamhnak an ngei cang. Atu nihin ahhin khapnak awdawr an chuah manh men lai
tiah ruah a si.
Health Services joint director (Food & Drugs)
Lalsawma nih, “Maggi hi Mizoram ah hin cun chek hneksaknak ding hi kan ngeih lo
ruangah cheknak kan tuah kho ve lo. Sihmanhsehlaw, Food Standard & Safety Authority
of India nih a him lo ṭihnung a si an ti caah Mizoram zongah kan khap ve lai,”
tiah a ti.
Food Standard & Safety Authority of India nih
Maggi khohsuai hi minung ngandamnak caah a him lo ah an ruah tikah India ram,
ramkulh vialte ah sample test dingah a ti hna. Ramkulh kip ah chek hneksaknak
tuah an si len ko natein Mizoram ramkulh ahcun cheknak a um ve lo ruangah chek
hneksaknak hi tuah khawh a si ve ti lo. Food Standard & Safety Authority of
India nih Maggi serchuaktu Nestle India kampani pawl cu an sermi khohsuai
vialte la dih u tiah a ti cang hnami a si. |
| Hi hmanthlak a cuangmi pawl hna hi Mizoram a ummi nih ei lo ding a si. |
Mizoram acozah nih cun thazaang umnak energy drink
haangthlum cheukhat – Monster, Tzinga, Cloud 9 Pomegranade/Grape le Akoaroma
pawl hna cu Mizoram ramkulh chungah luhpi le zuar lo dingah an khap cang hna.#
No comments:
Post a Comment