Vawleicung khuaruahhar Inn (House)

Minung hna nifatin kan umnak ding caah a biapi bikmi pakhat cu inn hi a si. Inn ciocio
zongah hin kan thinlung a arak i lawh lo le kan muisam aa lawhlo bantuk tein kan duhning inn pungsan zong kha an rak i lo cio ve hna lo.

Mi cheukhat nih inn fa taktakmi an duh lioah mi thenkhat nihcun a inn lianmi le a kaumi kha an duh deuh.


Cucaah cun a tanglei ahhin vawleicung inn anmah le duhning cio tein an i sakmi hi hmanthlak thawngpang can-ai ah le theihtlei caah rak zoh cio hna usih tiah ka van tarnak a si.

Hmanthlak - reuters

1- Lebanon ram chaklei kam Miziara khuate pakhat ah Airbus A380 pungsan he aa lomi bantuk in an sakmi inn a si. May 12, 2015

2- Lebanon ram nichuahlei kam Miziara khuate ah Greek Temple, Baalbek pungsan hee aa lomi bantuk in an sakmi umnak inn a si. May 12, 2015

3- Lebanon ram chaklei kam Miziara khuate ah Pyramid pungsan he aa lomi bantuk sakmi umnak inn a si. May 12, 2015

4- Hmanthlak ah kan hmuh bantuk in Britain ram Oxford khua ah Ngamaan milem kha inn cungah sak chihmi inn a si. Inn cungah ngamaan milem a tuahmi khi a sau lei ah pe 27 (7.6m) a si. Mah hihi fibreglass timi in a sakmi a si i, a liamcia caan Nagasaki i Atomic Bomb an rak thlakmi ah a nunnak liammi vialte hna thlahnak le kum 41th tlin camphaknak caah a tuahmi a si. October 26, 2013

5- France ram nichuah lei kam Cosswiller, Strasbourg pawngah a ummi Bioclimatic Solar pungsan bantuk in an sakmi umnak inn a si. August 4, 2011

6- Spain ram hmunlai fang Socuellamos timi khua ah Bulgarian miphun pawl umnak uain (wine) chiahnak bantuk inn a si. October 2, 2007

7- Mexico ram chaklei kam San Jose de Las Piedras pawng ah a ummi lung kherhmi inn a si. Hi lung kherhmi innpi ahhin kum 30 lengkai Benito Hernandez le thaisung Santa Martha de la Cruz Villarreal le chungkhar hna cu khua an sa cang. Hi lung kherhmi inn hi 40 meter (131 pe) a kaumi inn a si. January 16, 2013. 

8- Australia ram Sydney khua ah tilawng thil phurhnak Containers bantuk in an sakmi inn pungsan a si. August 1, 2005.

9- Nigeria ram Abuja timi khua ah vanlawng a zuan lio pungsan bantuk in sakmi umnak inn a si. November 24, 2009

10-  France ram nitlak-tlanglei kam Le Pian Medoc timi khua i, thingkung cungah sakmi thingkung inn a si. April 24, 2009

11- China ram Guangzhou, Guangdong province i inn dot 19-nak cungcem ah thingram cinnak tuahmi pungsan inn a si i, hihi phungning loin sakmi inn a si. April 11, 2014

12- Hi inn hi Serbia ram Bajina Basta pawng ah a ummi Drina tivapi laifang ah lung fonghlei a ummi cungah an sakmi umnak inn a si. Hi inn hi 1968 kum ah khan mino pawl nih an rak sak i, hihi a caan tete i tha dit vaa damhnak caah sakmi a si tiah hi inn sak ah aa rak i tel vemi pakhat nih a chim. May 22, 2013

13- China ram Guangdong province, Dongguan khua ah sehzung thil sernak cung dot ah sakmi inn a si. September 10, 2013 

14- Poland ram Warsaw khua ah a ummi a si i, hihi vawleicung inn fa/bi bik a si. Inn pakhat le pakhat karlak ceh ah a ummi a si i, a bitkauh hi 92 cm (36inches) a si.

15- Indonesia ram Yogyakarta pawng ummi Sumberharjo khua i, inn an sak tik i a cunglei pum vuai i an sakmi bantuk pungsan in an sakmi inn pawl an si. Hi inn hi a dihlakte ah 70 (70 domes) a s ii, hi dome timi pungsan inn tete hna hi U.S hrambunh Domes for the world timi nih lihnin ruangah an inn lo a rawkmi bawmhchanhnak ah an sakpiakmi hna a si. may 8, 2007

16- Brazil ram Rio de Janeiro timi tlangkai cawnnak vamping ah a tlaihnak bo tete an tuahnak pang ah a ummi Brazillian artists Tiago Primo (a cunglei) le a naupa Gabriel a thlai in an i thlainak inn a si ve. July 8, 2009.

17- China ram Beijing ah inn dot 26 cungah lung lawngte in sakmi inn a si. Hiti inn sak hi minung nunnak caah a him lomi a si tiah acozah lei nih an onh lo tikah August 26, 2013 ahkhan an ṭhehter dih ṭhanmi a si.

 18- Ivory Coast, Abidjan timi khua ah tisartlam (crocodile) pungsan he aa lomi inn a si. Hihi Thierry Atta nih September 11, 2008 lioah a rak sakmi umnak inn a si.

Cc: http://avaxnews.net/fact/Unusual_Homes.html