April ni 31 ahkhan World No Tobacco Day chirhchan
in, Beijing nih kuakzuk khapnak phung thar an tuahmi ruangah World Health
Organization (WHO) nih WHO World No Tobacco Day Award cawimawinak laksawng cu an
pek.
Beijing Municipal Government nih kuakzuk a khapnak
phung thar a tuahmi nih hin, khuachung zatlang Indoor Public Place, Rianṭuannak
hmun le Public Transportation hmun tbk., ah kuakzuk hi khap dih a si cang lai.
Mah hi khapnak phungthar an tuahmi hi July ni 1 in khan hman hram an thawk colh
cang.
WHO Regional Director, Shin Young-soo nih, “Beijing
khualipi chungah a ummi pawl an ngandamnak lei kha biapi ah an chiah caah, atu
bantukin mi zapi fumkhawmnak hmun ah kuakzuk khapnak phung thar an tuahmi hi
lunglawmh awktlak taktak cu a si,” a ti.
Atu bangin khapnak phung thar an
tuahmi tangin nizan ahkhan Beijing Airport lawngbual Terminal hmunthum i
kuakzuknak khan (smoking room) cu khar an si i; lawngbual tual lenglei ah
kuakzuknak hmun 11 tuah a si ve. Mizapi nih i ṭawm/bawmmi hmun pawl ah kuak a
zumi paoh cu ripawt tuah khawh peng an si.
Vawlei cungah khuhsi serchuaktu
kampani lian bik ram China ram ahhin kuakzumi million 30 hrawng an um i, kum
fatinte hin khuak an zukmi khuvai a rak dawptu (second-hand smoke) hi million
740 hrawng an um ti a si.
Official Data ah felfai tein
chingchiahnak cazin ning ahcun kum fatinte hin China ram ah kuakzuk he aa
pehtlaimi zawtfahnak ruangah a thimi hi minung million khat lengkai an um tiah
an chiahning cu a si.#
No comments:
Post a Comment