 |
| James Lalropui Keivom |
New York ah Photographer pawl, New York Press
Photographers Association (NYPPA) nih hmanthlak thiam bik thimnak an tuahmi ah
Mizo tlangval James Keivom nih NYPPA Photographer of the Year cawimawinak
laksawng cu a tinco.
Caṭial lei minthang L Keivom (IFS Rtd.) fapa, James
Lalropui Keivom cu NYPPA nih Photographer of the Year thimnak an tuahmi
cawimawinak laksawng cu a co.
New York khualipi chungah le a kiangkap hrawng ahhin photographer lengah, paparazzi le photo journalist mi tampi, pawcawmnak tiangin a tlamtlinh i a thiammi thahcawk lo a um lengluang i, mah cu chungah kan unau Mizo tlangval James Keivom nih atu bantuk a thiam bik sinak a hun tinco hi thil sunglawi le tuanbia thar bantuk ah a hung cang.
New York khualipi chungah le a kiangkap hrawng ahhin photographer lengah, paparazzi le photo journalist mi tampi, pawcawmnak tiangin a tlamtlinh i a thiammi thahcawk lo a um lengluang i, mah cu chungah kan unau Mizo tlangval James Keivom nih atu bantuk a thiam bik sinak a hun tinco hi thil sunglawi le tuanbia thar bantuk ah a hung cang.
Cawnnikhat zan ahkhan NYPPA nih
hin hmanthla lei ah cawimawinak laksawng an tuahmi phunphun pekchanhnak cu an
tuah tikah, James Keivom hi Photographer of the Year ah thim a si pinah, Spot
News le Best of Show timi cawimawinak laksawng tiang zong in a co rih hna.
Hi lengah hin hmanthlak leiah cawimawinak laksawng phun dangdang hna zong pekchanhnak an tuah rih hna i, Sports Photographer of the Year ah Getty Images ah a ṭuanmi Al Bello thim a si. Spot News ah James hi pakhatnak a si i, Daily News ah a ṭuan lio cuahmahmi Debbie Egan-Chin cu pahnihnak a si. Daily News ṭhiamṭhiam ah a ṭuanmi Todd Maisel cu pathumnak a si ve. Debbie Egan-Chin hi James i a rianṭuanpi hawi a si.
Hi lengah hin hmanthlak leiah cawimawinak laksawng phun dangdang hna zong pekchanhnak an tuah rih hna i, Sports Photographer of the Year ah Getty Images ah a ṭuanmi Al Bello thim a si. Spot News ah James hi pakhatnak a si i, Daily News ah a ṭuan lio cuahmahmi Debbie Egan-Chin cu pahnihnak a si. Daily News ṭhiamṭhiam ah a ṭuanmi Todd Maisel cu pathumnak a si ve. Debbie Egan-Chin hi James i a rianṭuanpi hawi a si.
James nih tutan Photographer of
the Year a conak hi Ferguson, Missouri ah minak pakhat palik pawl nih an rak
kahthahmi ruangah buaibainak a chuakmi he pehtlai in hman a thlakmi pawl ahkhan
a si i, Spot News ah pakhatnak a conak cu Staten Island ah duhlonak a
langhtertu pawl an i buut lio cukmak ah gas a puah lioah an himnak hnga caah
Eric Garner nih a fa a tlikpi lio hman a rak thlakmi in a si. Hi atu a
hmanthlakmi phun dangdang in hin Photographer of the Year cawimawinak laksawng
a conak a si.
 |
| Staten Island ah a thlakmi pakhat a si. |
James Lalropui Keivom hi atu
ahhin New York Daily News ah photographer in rian a ṭuan cuahmah liomi a si i,
hi a rian hi kum 10 hrawng a ṭuan cangmi a si.#
No comments:
Post a Comment