Mother Dairy Milk Cawhnuk Ah Thilsuknak Sihaang An Hmuhchuah

Mother Dairy nih cawkhnuk chek hneksaknak tuah a si hnuah, minung caah a him lo tiah ruah a si cang. 

Sample pahnih chek hneksaknak an tuahmi pakhat deuh ah cun thilsuknak ah an hmanmi sihaang, detergent kan hmuhchuah tiah Food Watchdog official nih a chim.

Food and Drug Administration (FDA) department, Agra ah an haotu, Ram Naresh Yadav nih Agra city in kilometre 70 aa hlatnak, Bah Tehsil chungum Mother Dairy collection centre in sample pahnih an lakchuahmi cu chek hneksaknak tuah a si tiah a chim. 

“Sample pawl hi Lucknow laboratory ah kuat a si i, a pahnih hin an aphi hmuhchuahmi an ṭha veve lo tiah theihhngalh a si tiah an phuan cang. Kampani lei pawl hna nih aphi chuak result hi an pom khawh lo ruangah Kolkata lab ah chek dingin an kuat hna tikah, hi zongah hin an hmuhchuahmi cu minung taksa caah ṭihnung a si a him lo timi kha an hmuhchuah ṭhiamṭhiammi cu a si ve.  Kolkata lab ah, chek hneksaknak tuahmi sample pakhat ah thilsuknak sihaang hmuhchuah chih a si ko,” a ti.

Hi lio caan ahhin Mother Dairy official Sandeep Ghosh nih an mawhpuhnak thil hna hi a dik hmaanlo tiah a ti hnu, an kampani thil vialte cu chek dih khitkhet an si, a ti ve.

Ghosh nih, “Mother Dairy cawhnuk serchuahmi nih hin cheknak test level pali tiang a tlamtlinhmi a si. Tanker pawl hna nih kan plant an rak phak kip in quality test 23 tuahpi peng an si tawn,” a ti.#