 |
| Joel Osteen |
15 June: Lemcangtu (actor) minthang le mi
hlawhtling, Morgan Freeman nih cun National Geographic channel ah chuah dingin
vawleicung thawngṭha chimtu minthang Joel Osteen i Khrihfabu Saddleback Church
a va leng hna lai.
National Geographic nih hin The Story of God timi a
buaipi cuahmah lio a si i, hi ahhin Pathian zumhnak lei kong he pehtlai in,
vawleicung hmunzakip ah a ummi pawl hna nih an zumhning kha dothlatnak tuah
hnuah chuah an timhlamhmi a si. Hi chungah telh ve ding caah khan Morgan
Freeman nih Joel Osteen hi tonbiaruahnak a tuah lai.
Freeman nihhin Saddleback Church pin lengah hin
vawleicung hmun dangdang ah a ummi biaknak dangdang hmun biapi pawl zong
tlawnkai aa tim fawn hna. Jerusalem i, Judah hmun biapi, Ṭahnak Vampang, India
ram Bodhi Tree, Mayan pawl i an temple, Turkey ram i Gobekli Tepe, hlanchan lio
i Celtic phun pawl hmun biapi Stonehenge tehna le hmun dangdang ah a ummi biapi
pawl zong a tlawn chap rih hna lai.
Joel Osteen khrihfabu, Lakewood
hi khrihfabu member tam lei in tuak ahcun vawleicung khrihfabu lian bik chungah
aa telmi a si i, hi khrihfabu ahhin member 40,000 lengkai an um.
 |
| Morgan Freeman |
The Story of God hi kum 2016
chungah vawleicung ramzakip hmuhphak dingah piah timhlamhmi a si i, ram 171
chungah holh 45 in an leh lai i, an chuahte dingmi a si. Hi ahhin Pathian kong
ah biahalnak le lehnak tampi tuahmi zong a um lai; van le vawlei sernak kong,
khuaruahhal thil kong, thawhthannak kong tehna dothlat a si.#
No comments:
Post a Comment