Nule Va Kongah Mifim Bia Cheukhat Pawl

1. When a man steals your wife, there is no better revenge then to let him keep her. {Sacha Guitry}

“Pa dang nih na nupi an firpiak ahcun teirul chamnak ṭha bik cu mah a firtu he khan va umter thai khi a si,” tinak a si. Chim duhmi cu minih firpiak khawhmi nupi cu na sin na kirter ahcun an fir ṭhan lai caah a firtu pa he khan va umter ko, cu pa sin zong an va fir rih khawhmi a si tinak a si. Tetsa ngei lo nupi kong chim duhmi a si. 

2. After marriage, husband and wife becomes two sides of a coin; they just can’t face each other, but they still stay together. {Hemant Joshi}

“Nule va timi cu kaphnih ngei phaisa tlang bantuk an si. Kan ni ṭi, kan ni al peng nain ka ni ṭhen kho fawn lo, ka ni benh chih peng veve ṭhiamṭhiam ti a si.” Chim duhmi cu nule va hi i sik tamcem nain i pehtlaihnak ṭhen kho loin hmunkhat ah a kawp chihmi phaisa tlang khi kan lo tinak khi a si.

3. By all means marry. If you get a good wife, you’ll be happy. If you get a bad one, you’ll become a philosopher. {Socrates}

“Nupi ṭha na ṭhit ahcun na lawm lai nain nupi chia na ṭhit ahcun fim na chap lai,” tinak khi a si. Chim duhmi cu nupi ṭha ṭhit ahcun lunglawm tein um a si pinah ṭha zong a dam, nun a nuam tinak a si. Asinain nupi chiahru ṭhit sual ahcun lung rethei tuk i khuaruah peng a si caah khuaruah thiam ngaimi ah i chuah khawh asi tinak a si. Nupi ṭha lo ngeih ahcun khuaruah ding a tam tuk, lungre thei tuk ti khi a si ko.

4. Women inspire us to great things, and prevents us from achieving them. {Dumas}

“Nu nih hin thil lian ngan kong an chuahpi nain hlawh tling lak in tuahtak ding cun anmah ṭhiamṭhiam hi mi dawntu an si fawn,” tinak a si.

5. The great question which I wasn’t able to answer is “What does a women want?” {Sigmund Freud}

“Ka phit khawh lomi biahalnak nganbik cu “Nu nih hin zeidah an duh taktak?” timi hi a si a ti. A chim duhmi cu nu hi an lungtam, hi hlah maw a duh cemmi si ko rua ti ah adang an duhmi a rak um lengmang tinak khi a si.

6. I had some words with my wife, and she had some paragraphs with me. {Anonymous}

“Ka nupi biafang pahnih ka chimh ahcun biatlang tlang kua hra tecu a vun nolh colh ko,” tinak khi a si. Chim duhmi cu nupi le hi va le nakin an holh tam deuh peng tinak a si.

7. A wedding is just like a funeral except that you get to smell your own flowers. {Grace Hansen}

“Na pangpar rim ṭha tein na theih lomi ṭhitumnak cu ruakhumh bantuk men a si,” a ti duhnak a si. Na ṭhitmi na nupi/pasal ding kong theih loin nupi ngeih/va ngeih cu mahle mah harnak i pek a si tinak deuh khi a sawh duhmi a si.

8. She goes Tuesdays, I go Fridays.  {Henry Youngman}

“Ka nupi Cawnnihnih paoh ah a leng i, kei cu Cawnninga paoh ah ka leng,” tinak a si. A chim duhmi cu nule va si hnu taktak ahcun nule va zong hi nungak tlangval lio phun cun i zulh dawi huam hi a si theng ti lo tinak a si.

9. I don’t worry about terrorism, I was married for 2 years. {Sam Kinison}

“Nupi ka ngeih hi kum 2 a si cang caah Terrorist timi hrocer hmang pawl hi ka nek cang.” Chim duhmi cu nupi holh tam tukmi le puar emem mi pawl ṭhit ahcun a ni hrocer tuknak ah an vale tu kha midang nih an hrocer tik hna ahcun an zeihmanh poi kho ti lo, hrocer a ni ziak thai tinaka si.

10. Many a man in love with a dimple makes the mistake of marrying the whole girl. {Stephen Leacock, Literary Lapses, 1910}

“A biangkuar te uar ruangah a pum dihlak in nu thimi cu a ni palh tawn,” tinak a si. Chim duhmi cu nungak khi a zia theih loin a hmaifangte dawh ruang le a biangkuarte duhnung tuk ti ruang men in nupi caah ṭhit cu a poi tawn. A biangkuarte lawng khan ṭhit awk an ṭha fawn lo, a hmaifangte lawng in ṭhit awk an ṭha fawn lo. Cucaah mui zoh in nupi ṭhit hi a ṭha lo tinak a si.

11. I’ve had had luck with both my wives. The first one left and the second one didn’t. {Patrick Murray}

“Ka nupi pahnih ning tein vanchiat ka tong veve, pakhatnak nih a ka zaamtak nain pahnihnak nihcun zamtak duh loin a ka um hnawh peng fawn.” Chim duhmi cu nupile hi padang dawitak zong an hman pinah vale uk ngai fawn ṭung i ṭhen awk ṭha ṭung loin vale hrem hmang ngaimi zong an um fawn tinak a si.

12. Marriage is the only war where one sleeps with the enemy. {Anonymous}

“Nule va innchungkhar ser hi raltuknak hmun pakhat a si i, cu raltuknak ahcun ral he zan ihṭi a si.” Chim duhmi cu nule va si hnucun mile mi kan si veve i kan karlak ah ral a tam tuk pinah ral veve ah si colh kho veve mi kan si caah nitin kan dirhmun kan serṭi mi hi ralrin awk kan ngei veve tinak a si. Nu chungah ral ummi le pa chungah ral a um veve mi kha mit ṭhep hlan ah hngephngap tiah ai kap kho colh veve an si tinak a si.

13. The most effective way to remember your wive’s birthday is just to forget it once. {Anonymous}

“Nupile chuah ni chinchiah peng na duh ahcun voikhat in a chuah ni i philhter.” Chim duhmi cu na nupi chuah ni voikhat na philhter ahcun an hrocer ning le an unh hnawh thulh thalhmi ahkhin nai mih tukning hi a mak lai tinaka si. A philh na philh ngam bak ti lai lo ti khi a si ko.

14. Marriage is a lottery in which women stakes their happiness and men stakes their liberty. {Virginie des Rieux, Epigrams}

“Nule va innchungkhar ser hi awngbali thut he aa lo. Nu nih lunglawmhnak kha a thap i pa nih zalonnak kha a thap ve,” tinak a si. Chim duhmi cu nu nih cun pa an vat tikah hipa ka vat ahcun a ka dawt bak lai ti hi an ruah i, pa nih nupi an ṭhitmi cu hi nu nih hin cun a ka theihthiam bak lai ti khi an ruah ve ti a si.

15. No man is truly married until he understands every word his wife is NOT saying.

“A nupi nih a chim lo zongah a theihthiam kho rih lomi pa cu nupi ngei a si rih lo,” tinak a si. Chim duhmi cu nule va si hnu cun bia in chim len hau ti loin kan duhnak kha i theihthiampiak ding a si tinak khi a si.

16. A happy man marries the girl he loves; a happier man loves the girl he marries.

“A duhmi nungak a comi pa cu lunglawmmi a si. Asinain a ṭhitmi nu a dawmi pa kha mi lunglawm deuh a si.” Chim duhmi cu na nungak na co khawh cu na lawm ko lai nain na ṭhitmi na nupi kha na dawt ahcun lunglawmhnak ngan deuh na ngei tinak a si.

17. The goal in marriage is not to think alike, but to think together. {Robert C. Dodds}

“Nule va i um hi ruahnak i khat usih ti a si lo, ruatṭi usih,” ti a si. Chim duhmi cu nule va kan si hnu cun kan ruahnak zong pakhat a si awk a si ti hi a ṭha lo, hmunkhatte tu ah khuaruah ṭi ding kan si i ruahnak a lo lomi zong a um lai i cucu zalong tein ruahṭi awk a si ti khi a si.

18. Love is an ideal thing, marriage a real thing. {Goethe}

“Duhnak hi biadik a si i nule va si hi a taktak a si.” Chim duhmi cu nungak tlangval si lio ahcun kan bia in “kan dawt tuk, kan duh tuk” kan ni ti veve nain nule va kan si tak hnu lawngah mah duhnak kha duhnak/dawtnak taktak a si le silo kha a lang tinak deuh khi a si.

19. All weddings are similar, but every marriage is different.  {John Berger}

“Ṭhitumnak tuah dan cu a lo dih nain, nule va si dan cu a dang dih,” tinak a si. Chim duhmi cu nungak tlangval a ni um dan khi cu puai an tuah cio dan ahcun puai tuah cio an si ko tiah a ni lo ko hnga. Asinain nule va an vun si i innchungkhar taktak an vun dirh ahcun anmah bantuk tein ṭhitumnak a tuahmi hna he khan an innchungkhar umtu dan cu phundang cio an si tinak a si.

20. In the early years, you fight because you don’t understand each other. In the later years, you fight because you do. {Joan Didion}

“I ṭhitumka ah a vua lengmangmi nule va cu a ni theithiam deuh rih lo caah a si. asinain kum saupi um hnuah aa vua lengmang rihmi khi cu an ni theithiam tuk cang caah a si.”

21. Nupi tha lo ngeih le dedan tet denh – Phungthluk

“Chim duhmi cu nupi ṭha lo innchungkhar ah a zai peng tung i vale zong upat ṭung lomi he umṭi peng khi cu vale caah cun mizapi hmai ah saṭal ngai in chuah i keden tet taktak den hi ke zong rak khawh viar nain ahohmanh nih a denhmi kedan khi aa tet tuk le a ke zong a kok viar cang ti rak hmuhpiak ṭung lo he khin aa khat bak tinak a si.

Pa kong ah:

A man wants to be a woman’s first love, a woman wants to be his last.

Pa nih an nungak le ca paohpaoh ah hmasa bik an tlangval si an duh nain nu nihcun pa i a duh bikmi le a donghnak nungak si an duh dih. #

(Theihternak: Hi a cunglei “Nule Va Kong Ah Mifim Bia Cheukhat Pawl” timi hi LCC cazual Vol. 4, No. 24 {July 12, 2009} ah rak chuahmi Tp M nih a ṭialmi kha van lak chinmi a si)