Pokes Hi Zeidah A Si?

Poke hi a thei len cang zong kan um lai dah! Tutan ah hon langhtermi nakleng zong in a thei deuhmi zong kan um kho sihmanhsehlaw atu ah von ṭial duhnak a ruang cu a thei ve lomi hna caah tiah siaherhnak he tin honleh ṭial chinmi a si.

A hmaisa bik ahcun Poke ti hi a tluangtlammi mipa ngai caah cun, “Na dam maw? Na Ṭha Maw? Tulio zeidah na lawh?” tinak ah an hman deuh tawn hna, natein micheu khat caah ve ahcun, “Nupa sinak (sex) na hmang huam maw? Khoika hmun le hma ah thla kan i ton lai? tibantuk a si ve.

Secret privacy caah tin a hmang ve caah cun, POKE an click ahkhin rak i ralring luau tinak ah an hman ṭheo ve fawn. 

Secret privacy hrang i a hmang lo pawl ca zongah POKE ti hi cu, rak i ralring/manh (ready) tinak ah an hman.

Cun minung pakhatkhat kha va buaibainak ca hrimhrim ah siseh, an ningzahter nakding siseh, cun zuamcawh (challenge)nak hna ah an hman ve fawn rih.

Biana ah, Kan hawile min cazin ah a um ve lomi kan hawi a si rih lomi kan hei poke hna, cu tikah an hon kan poke ve a si ahcun an profile chung i an cawlcanghnak (activity) hna kha zohkhawh a si ṭheo. 

Na hawi a si lomi na hei poke hna mi nih khin nithum chung cu a nguh khawh. Nithum chung vialte kha a profile kan zohkhawh tinak a si cu. Kan hawile Friend si hna hlah hmanhsehlaw an kan poke a si ahcun an kan poke tu minu mipa nih mizei na si, ka si le khoika ummi na si, ka si kha an kan theihhngalh khawh lai.#

(Hi a cunglei Poke timi theihtlei hi Hakha Community nih chuahmi Thlalang Cazual Vol.11, No. 02 Zing {September} 2013 chuak ah rak chuah cangmi a si)