8 June: South Korea ram ah nizan ahkhan Middles
East Respiratory Syndrome (MERS) zawtnak rai a ngeih thar minung 14 an hmuh
chap hna. Zarhte zan ahkhan MERS zawtnak a ngeimi pakhat cu a nunnak a liam i,
hi zawtnak rai ruangah a nunnak a liammi minung panga an ti cang tinak a si.
MERS zawtnak a ngeimi minung 14 hmuh tharmi hna
leti’n hin SKorea ram ah hi zawtnak a ngeimi minung 64 an ti cang i, hiti thil
a sican lio caan ahhin an ngandamnak chek tuah dingah minung 1,820 hna cu a
dangte ah umter an si rih hna.
Acting Prime Minister Choi Kyung-Hwan nih an ram
chungah MERS zawtnak rai a tlung cuahmahmi rehter nakding caah acozah nih
biatak tein rianhma an kalpi cuahmah lio a si a ti. Mizapi sinah nan lungre
thei hrimhrim hlah u, hi zawtnak a ngei tharmi vialte hna cu a dang tein umter
le zohkhenh an si, tiah a ti rih.
Atu ahhin acozah nih zawtnak a
ngei tiah hmuhchuah a simi minung hna hi ṭhate in cheknak le zohkhenhnak a pek
hna lai lengah, an rak um tawnnak hmunhma vialte hna zong ṭhate le felfai in
chek hneksaknak tuah chih dih a si fawn lai, tiah a ti.
MERS zawtnak rai a ngeimi pawl an
zohkhenhnak hmun sizung min hi acozah nih mizapi theihhngan ah chimphuan an duh
rih lo i, hi kongah acozah cu mizapi lei soisel tiang an i huah len phah. Hi
ruangah hin nizan ahkhan Choi nih acozah nih MERS zawtnak rai a ngeimi vialte
hna zohkhenh thlopbulnak ding caah a ruahkhanmi sizung 24 min hna cu zapi theih
awkah a phuanzar cang i, a tam-u hi cu Seoul le Gyeongi province ah an si.
Seoul khualipi ah Samsung Medical
Center ahhin zawtnak rai a ngeimi hi mi 17 hmuhchuah an si cang i, hiti thil a
can theih lecangka in hika sizung ah damlo in a ummi 890 le rianṭuantu hna cu
chek tuah an hau dih tiah sizung haotu Song Jae-Hoon nih a chim.
Seoul City mayor, Park Won-Soon zong nih hi sizung hi a minthangmi a si tikah midamlo le a zawfakmi hna nih an panh biknak hmun a si i, nikhat ah damlo 8,000 lengkai nih an palkai tawnmi sizung a si ruangah hin hika sizung in hin zawtnak rai hi a karh chin vima lai ti hi thinphang ngai a si ko, a ti.#
Seoul City mayor, Park Won-Soon zong nih hi sizung hi a minthangmi a si tikah midamlo le a zawfakmi hna nih an panh biknak hmun a si i, nikhat ah damlo 8,000 lengkai nih an palkai tawnmi sizung a si ruangah hin hika sizung in hin zawtnak rai hi a karh chin vima lai ti hi thinphang ngai a si ko, a ti.#
No comments:
Post a Comment