India
ram Chhattisgard ramkulh ah tukum January in March thla chung ahkhan Malaria
zawtnak a ngeimi mi 32,000 an um. Ramkulh acozah nih kum 2030 ahcun an state
chungah raifanh (malaria) zawtnak hi a um ti lonak hnga tiah atu hi rian biatak
tein tuan hram an ot cang.
Health
Department lei nih thawngthanhca an chuahmi ahcun, raifanh zawtnak a ngeimi mi
32,604 chungah minung 26,602 cu Plasmodium Falciparum protozoan nih a
chuahtermi a si i, a dang 6,000 cu Plasmodium Vivax a si tiah an tarlangh.
Plasmodium Falciparum nih a chuahtermi raifanh hi ṭih a nung bikmi a si i, aa thihpimi zong an tam bik
tiah a chim.
Hi raifanh
zawtnak rai a umnak ramṭhen 21 ahcun inn sing 15 tluk hrawng ah fikfa
thahnak sii an kah cang i, health worker pawl vialte zong raifanh zawt, zawtlo
cheknak, RDT kit le raifanh sii-ai a zatawk in mizaw caah chiahter peng an si fawn.
Acozah
nih Public health engineering department, Panchayat Raj Institution le Urban Development
Body pawl hna zong ti thiang hlimhnak lei rian ah siseh, tilu luannak hawr le
mizapi pumhkhawmhnak hmun zatlang thianhhlimhnak lei caah tuanṭi ding in a ti hna.#
No comments:
Post a Comment