Tukum March – A Lum Bik!

Vawleipi nih chingchiahnak felfai tein khualum lei kong a chingchiahmi vialte lakah, March vialte lakah tukum March thla kha buaktlak in vawleicung pumpi ah a lum bik caan a si.

Kum 137 chung tiang vawleicung khua lumsat ning kha chingchiahnak an tuah i, kum dang vialte nakin tukum March thla kha a lum bik ti a si i, buaktlak in vawlei pumpi March thla khua lumsat lei hi 12.7 degree centigrade a si.

National Oceanic and Atomospheric Administration (NOAA) nih an tarlangh ning ahcun kum zabu 20nak March thla nakin tukum March thla hi 1.22 degree centigrade in a lum deuh a si. Kum 2015 ahkhan record rak chiah a si cang natein kum 2016 record nih linhlei in a hun chawhkanh diam hna. Kum 2015 March thla kha kum 1880 in chinchiahning ahcun March thla linhsat bik ṭum a si i, kum zabu 20nk lengin 0.32 degree centigrade in a lumsa deuh. Natein kum 2016 March thla nih a lumsat lei ah a hun chawhkanh dih hna.

Tukum March thla hi, a luanciami thla 10 pawl letin khan kum dang vialte nakin a lumsat bik thla ah an hung i chuah dih hna. Hiti khua a hung lumsat chin lengmangmi nih hin minung hna caah harsatnak zeimawzat cu a chuahpi ṭhan khawh ti a si. Hiti khua a lumsat liopi ahhin Canada nitlak-chaklei le, South America thlanglei hna cu kum dang nakin a dai, kik deuh ve. 

El Nino ruangah vawleicung temperature sanlei panh chin lengmang ko hmanhseh, vawleicung lumsat ning a zual khunnak hrampi pakhat cu minung hna khuasak ning phung kan thiam lo ruangah a si ko tiah mithiamsang pawl rual hna nih cun an chim.

Atu bantukin kum dang vialte nakin khua a hung lumsat ruangah hin vawleicung chaklei kam, Arctic hawrhra a tlami nih vawlei a khuhchilhmi zong khua a lumsat ruangah kum dang nakin a hung tlawm/zor deuh tiah mithiamsang pawl hna nih an chim.@