Computer Ah Olzaang Deuh In Whatsapp Hmanning

WhatsApp web hi na hman len cang ko lai, asinain atu WhatsApp thar belte hi cu na hngalh bal lo a si ko na lain, computer in WhatsApp Web a hmang peng cangmi na si ve ko ahcun buaibainak ding a um lo.

 

WhatsApp Web le Desktop WhatsApp hna an i lawhnak cu computer ah hman na duh an si ahcun QR code scan tuahtak, pawngkamte ah phone chiah peng tehna kha an si i, aa lawhlonak belte tu cu shortcut key le memory an hman tlawm lei tu ahkhan a si.

Windows hmangmi na si i, Desktop WhatsApp na hman ahcun, mi he nan i chat-nak na fimhlawm (archive) duh a si ahcun Ctrl+E hmeh ding a si i, na group luhnak pawl mute tuah na duh a si ahcun Ctrl+Shift+M hmeh ṭhan ding a si. Message na rel cangmi status na thlen duh a si ahcun Ctrl+Shift+U hmehpiak i, na delete hlonh duh a si ahcun Control le Backspace kha hmunkhat ah na hmehṭi lai. 

Search Bar ah kal na duh colh a si ahcun Ctrl+F a si lai i, chat thar na duh a si ahcun Ctrl+N a si i, group thar tuah na duh a si ahcun Ctrl+Shift+N a si ve lai. Mac zongah khan an i khat ngawt dih ko asinain, Ctrl can-ai hmehpiakmi ah command key hmehpiak ding a si lai.

Asinain Windows hlun deuh maw siseh, Mac OS hlun deuh maw a hmangmi na si bel ahcun Desktop WhatsApp hi hman a ngah lai lo. Windows 8, 64 bit cin tel a si a hau i, Mac ahcun X 10.9 maw, hi nakin a thar mahlam kha a hau ve lai. Windows 8.1 cunglei ah cun Notification hi Action Centre ah amah tein a lang lai.

WhatsApp hi kum 2009 ah an rak dirhmi kha  asi i, vawleicung message ca i kuatnak lei phun ah hman bikmi a si i, atu tiang ahhin vawleicung minung billion pakhat nih an hman. Kum 2014 lio ahkhan Facebook Inc. nih USD billion 19.3 in a rak cawk. 

Hihi atu chun ni tiang company thil i cawk le zuarh mi vialte ah cun a man fak bik in aa cawmi le zuarhmi a si peng rih. WhatsApp Web hi kum 2015 in khan an rak thawkmi a si i, tukum in khan BlackBerry phone aa tlaihmi pawl nih an hman a ngah ti lo.#