Kuwait Phaisa Hi Vawleicung A Mansang Bik Si

Kuwaiti Phaisa Fang khat (One Dinar)

Vawleicung phaisa san tahnak ah kan hmanbik cu US Dollar hi a si, natein phaisa sang bik tiah cun a rak si ziar lo. UK phaisa, Pound Sterling hi a sang ngaimi a si, natein vawleicung phaisa sang bik belte cu Kuwait phaisa, Kuwaiti Dinar hi a si.

Gulf ram pawl nih khin kum 1961 tiang kha Gulf Rupee an rak hman i, hi kum in hin Kuwait nih a dang tein phaisa a rak ngei i, Kuwaiti Dinar ti a si. 

Kuwaiti Dinar hi nizan India phaisa he an sanning ret cuaichun tikah cun Kuwaiti Dinar 1 le India phaisa, 220.75 kha an i tluk.

Gulf ram pawl nih Gulf Rupee cu an kaltak thluahmah hnu, kum 1965 in khan Bahrain cozah nih phaisa thar a hun serchuah ṭhan i, a min ah Bahraini Dinar ti a si. Dinar hi hlanchan Rom miphun pawl an phaisa min, Denarius timi in khan a rak chuakmi a si. Leitang chuak zinan tbk. lei ah a rum ngaingaimi an si, an phaisa zong a mansang i, a sang bik changtu a si.

Mediteranean rili tikulh ram, Malta phaisa hi a sang tak ve i, an phaisa fang khat le India phaisa Rs. 177.09 an i tluk. Malta phaisa hi Maltese Pound an ti. Phaisa sang bik pathumnak cu Gulf ram ṭhiamṭhiam i, Oman phaisa, Omani Rial hi a si rih i, Rs. 173.26 le Omani Rial 1 kha an i tluk. Kupra tikulh tiah Bible chung zongah a langmi, Cyprus phaisa, Cyprus Pound zong hi a sang ngaingaite; Cyprus Pound khat le Rs. 129.89 an i tluk ve.

Phaisa sang dang pawl hna cu Latvia phaisa Lats (Rs. 108.17), UK Pound Sterling (Rs. 96.24), Jordanian Dinar (Rs. 94.05), Cayman Islands Dollar (Rs. 80.97) le Euro (Rs. 76.02) hna hi a si. Cc. vanglaini