Vawleicung leitang tlanglawng lam sau le thuk bik
cu kum 20 chung an tuah hnuah Switzerland ah onnak tuah a si cang lai.
Gotthard
rail leitang tlanglawng lam hi km 57 a sau lei a si i, hi leitang lam an virhmi
hi Swiss Alps tlang tang in, Europe chaklei le thlanglei ah ti’n tlanglawng a
khulrangmi phun pawl khualtlawnnak ah hman a si lai.
Hi tunnel
nih hin a tir i, vawleicung leitang tlawnglawng lam tunnel sau bik a si tawnmi,
Japan ram i, Seikan tunnel km 53.9 a saumi cu a hun chawhkanh/tei cang. UK le
France i tlawnkainak, km 50.5 a saumi Channel Tunnel cu pathumnak ah a hung um.
Gotthard tunnel hi a thuh biknak hi tlangtang km 2.3 a si. Hi project rianṭuannak caah hin dollar billion 12 lengkai hman a si. Tunnel design hmasa cu Swiss engineer Carl Eduard Gruner nih kum 1947 liopi in khan a rak suaisam cangmi a si, natein hi tuahnak ah a dihheu ding lei ah harsatnak zeimaw a um ruangah caan saupi chung tuah kho loin an um i, kum 1999 ahkhan rianhma hi an rak ot khawh ceo kha a si.
Hi leitang
an virhnak ahhin engineer pawl nih lung phun dangdang 73 an cawh le khangh kha a
hau i, hi lung phun chungah cheukhat cu granite bantuk ah ai cang colhmi an si.
Leitang tlanglawng lam tuahnak ahhin lung ton million 28 lengkai thiar chuah a si
i, hi an tuahnak ahhin rianṭuantu minung pakua nunnak a liam.
Swiss rail
service nih tunnel tuahser rian hi rianṭuantu 125 nih din loin, voi thum
i ṭhuan in an ṭuan i, sml. 43,8000 chung an ṭuan tiah a chim.
Tunnel
thar hi hman a si tikah cun nifatinte thilri phurtu tlanglawng 260 le
khualtlawng phur tlanglawng 65 hrawng an tlungkal zungzal lai. December thla in
khin an rak timhlamhning bantuk tein hman khawh colh a si lai. Kum 2020 ah cun
hi tunnel in khualtlawng chukcho, nikhat ah mi 9,000 a rak si tawnmi cu 15,000
ah an karhte lai tiah ruahchan ngaimi a si.#
No comments:
Post a Comment